Almatyda taksı júrgízushílerí men kurerler respublıkalyq referendum ótkízuín qoldap, qala tūrǵyndaryn azamattyq belsendílík tanytuǵa shaqyrdy, – dep habarlaıdy aqshamnews.kz tílshísí.
Taksı jáne jetkízu qyzmetkerlerí ár dauystyń mańyzdy ekenín atap óttí, sebebí referendum – óz ūstanymyn bíldíru jáne eldíń bolashaǵyna áser etu múmkíndígí.
Almaty taksı júrgízushílerí kún saıyn onshaqty kósheden ótíp, júzdegen adammen kezdesedí jáne úlken qalanyń ómíríne kuá bolady. Rulde olar jolaushylardyń áńgímelerín, bolashaqqa degen úmítterín jáne uaıymdaryn estıdí.
Sol sebeptí, olar aıtyp ótkendeı, eldíń erteńí qandaı bolatyny olarǵa beı-jaı emes.
«Bíz kún saıyn adamdarmen jūmys ísteımíz, qalanyń qalaı ómír súríp jatqanyn kóríp, jolaushylardyń ne oılaıtynyn bílemíz. Qazaqstannyń damyp, alǵa jyljuy bíz úshín mańyzdy. Sondyqtan barlyq azamattardy beı-jaı qalmaı, saılau uchaskeleríne keluge shaqyramyz», — deıdí olar.
Kurerler men taksı júrgízushílerí senedí: eldíń bolashaǵy ár adamnyń sheshímínen tūrady. Referendumǵa qatysu – azamattyq ūstanymyn bíldíru jáne memleket damuyna óz úlesín qosu múmkíndígí.
«Ár dauys mańyzdy. Bízdíń belsendílígímíz Qazaqstannyń erteńí qandaı bolatynyn anyqtaıdy — bíz úshín, balalarymyz úshín jáne keler ūrpaq úshín», — deıdí júrgízushíler qauymdastyǵynyń ókílderí.
Olardyń aıtuynsha, jūmys kestesí qatań bolsa da, olar 15 nauryzda saılau uchaskeleríne baryp, óz tańdauyn jasauǵa uaqyt tabudy josparlap otyr.
