Gruzıya aumaǵynda zańdy ókílderíníń qarauynsyz jáne tıístí kútímsíz qalǵan jetí jastaǵy qazaqstandyq otanyna qaıtaryldy. Būl turaly QR Oqu-aǵartu mınıstrlígí málímdedí, – dep habarlaıdy aqshamnews.kz tílshísí.
Balany elge jetkízu jáne qūjattaryn rásímdeu jūmystary jarty jyl boıy júrgízílgen.
Būǵan deıín kámeletke tolmaǵan búldírshín shet memlekette qarausyz qalyp, uaqytsha mamandandyrylǵan mekemege ornalastyrylǵan bolatyn. Qazírgí tańda qyz bala qauípsíz jerde, oǵan qajettí psıhologıyalyq kómek kórsetílíp jatyr. Mınıstrlík balanyń múddesín eskere otyryp, ony otbasy músheleríne beru máselesín qarastyruda.
«Kámeletke tolmaǵan bala shet memlekettíń aumaǵynda zańdy ókílderíníń tıístí kútímí men qarauynsyz qalǵan, ol uaqytsha mamandandyrylǵan mekemege ornalastyryldy. Qazír qyz bala qauípsíz jaǵdaıda, oǵan qajettí psıhologıyalyq kómek kórsetílude», — delíngen resmı habarlamada.
Vedomstvo ókílderí aqparattyń qūpıyalylyǵyna súıeníp, balanyń shetelge qalaı tap bolǵanyn jáne nelíkten tuǵandarynyń qasynda bolmaǵanyn jarıyalamady. Qazírgí uaqytta balanyń aldaǵy taǵdyry men tuystaryna tapsyrylu protsesí baqylauǵa alynǵan.
