Bolashaq mūǵalím úshín bílímmen qatar kásíbı ortada ózín erkín ūstau, jūmys berushímen sauatty áńgímelese bílu de mańyzdy. Osy maqsatta bolashaq pedagogtardy eńbek naryǵyna beıímdeuge baǵyttalǵan «Sūhbat: jūmys berushíge ózíńdí dálelde» jobasynyń taǵy bír kezeńí óttí, – dep habarlaıdy aqshamnews.kz tílshísí.
Būl jolǵy kezdesu Almaty qalalyq №19 jalpy bílím beretín mektep bazasynda ūıymdastyryldy.
Joba ayasynda búgín unıversıtettíń fızıka-matematıka, tarıh, qazaq tílí men ádebıetí, sondaı-aq orys tílí men ádebıetí mūǵalímderín dayarlau boıynsha bílím beru baǵdarlamalarynyń 11 bítírushí túlegí kásíbı sūhbattasudan óttí. Qatysushylar mektep basshysynyń aldynda áńgímelesuden ótíp, óz mamandyǵy boıynsha bílímín, sabaq júrgízudegí kózqarasyn jáne pedagog retínde qalyptasqan tájírıbelerín tanystyrdy. Olarǵa mektep tarapynan túrlí sūraqtar qoıylyp, bolashaq mūǵalímderdíń pándí meńgeruí, oqushylarmen jūmys ísteu tásílderí men pedagogıkalyq ūstanymdaryna nazar audaryldy.
Áńgímelesudí №19 jalpy bílím beretín mekteptíń dırektory Aıymgúl Imangalıeva júrgízdí. Ol studentterdíń ózín tanystyru sheberlígíne, kásíbı daıyndyǵyna jáne kommunıkatsıyalyq mádenıetíne taldau jasap, qatysushylarǵa maman retíndegí ūsynys bíldírdí.
Mektep dırektorynyń aıtuynsha, mektep pen unıversıtet arasyndaǵy mūndaı ózara yqpaldastyq – ózgelerge úlgí bolarlyq, óıtkení bílíktí maman dayarlau – mektep pen joǵary oqu ornynyń ortaq míndetí. Sondyqtan ekí taraptyń tyǵyz baılanysta jūmys ísteuí aıryqsha mánge ıe. Osyndaı kezdesuler bolashaq pedagogtyń kásíbı tūrǵydan qalyptasuyna, óz múmkíndígín tolyq kórsetuíne jol ashady.
Jūmys berushí men bítírushí túlekterdíń arasyndaǵy áńgímelesu Abaı unıversıtetínde 2019 jyldan berí tūraqty túrde júzege asyrylyp keledí. Ózíníń tıímdílígín kórsetken joba boıynsha jyl saıyn studentterdíń píkírí eskerílíp, nátıjesí de saralanyp tūrady. Osyndaı mamandyqqa qatysty sūhbattan keıín mektepke jūmysqa qabyldanǵan studentter de jeterlík.
Aıta keteıík, «Sūhbat: jūmys berushíge ózíńdí dálelde» jobasy – sońǵy kursta oqyp jatqan studentter mektep basshylarymen tíkeleı júzdesíp, óz kásíbı deńgeıín tanytuǵa jáne bolashaq mamandyǵyna qatysty tájírıbe jınauǵa múmkíndík beretín mańyzdy bastamalardyń bírí. 2025-2026 oqu jyly barysynda Almaty qalasynyń bírneshe audanynda kezeń-kezeńímen ūıymdastyrylu ústínde. Alǵashqy kezdesuler Nauryzbaı audanyn qamtysa, būl joly Medeu audanynda jalǵasyn tapty. Aldaǵy uaqytta Túrksíb audany mektepteríne ótkízu josparlanyp otyr.
