Almaty oblysyna qarasty Qaskeleń qalasynda otbasylyq janjal auyr soqqyǵa ūlasqan oqıǵa tírkeldí, dep habarlaıdy Aqshamnews.kz tílshísí.
Jábírlenushí áıeldíń aıtuynsha, ol kúıeuímen ajyrasu protsesínde júr. Áıeldíń sózínshe, kúıeuíníń kúsh qoldanuy būrynnan qaıtalanyp kelgen. Būl joly er adam áıelíníń anasy tūratyn úıge kelíp, kúrektíń sabyna ūqsas tayaqpen áıeldí bírneshe márte ūryp-soqqan. Qatty soqqydan aǵashtyń bír bólígí synyp ketkení beınejazbada baıqalady.
Kuágerlerdíń aıtuynsha, er adam arasha túspek bolǵan áıeldíń anasyn da bírneshe ret soqqyǵa jyqqan. Būdan bólek, aulada tūrǵan kólíktíń terezelerín shaǵyp, kólíktí júrgízuge jaramsyz kúıge túsírgení aıtylady. Oqıǵanyń vıdeosy áleumettík jelíde tarady.
Jábírlenushí ózín auyr hálde ekenín aıtyp, polıtsıya shaqyrǵanyn málímdedí. Sondaı-aq prokuraturaǵa da aryz jazatynyn jetkízgen.
«Ol mení kezektí ret ūryp-soqty. Kólígímdí de búldírdí. Soqqydan qolym synyp ketkendeı. Kúrektíń sabymen ayaǵymdy, arqamdy ońdyrmaı ūrdy. Anamdy da soqqyǵa jyqty. Úıímízdíń terezesín shaǵyp tastady. Sol qolymdy múldem sezbeı tūrmyn. Bet-auzym qan-qan. Ápkemdí de ūryp tastady. Būl qanshalyqty jalǵasa bermek?! Balalarymyz sebep bolady. Olardy alyp ketken saıyn ūryp-soǵady. Polıtsıyany shaqyryp qoıdym. Qazír kútíp otyrmyn. Ótínemín, maǵan kómektesíńízdershí. Prokuraturaǵa da aryz jazamyn», – dep áıel adam kóz jasyn ūstaı almaı, bolǵan jaǵdaıdy bayandap berdí.
Oqıǵaǵa qatysty Almaty oblystyq Polıtsıya departamentíne resmı saual joldandy. Qūzyrly organnyń jauaby jarıyalanǵannan keıín qosymsha aqparat beríledí.