Aldaǵy jylytu mausymyna daıyndyqqa erekshe nazar audaryldy, dep habarlaıdy aqshamnews.kz tílshísí.
Qazaqstan Respublıkasy Ūlttyq ekonomıka mınıstrlígíníń Tabıǵı monopolıyalardy retteu komıtetí onlaın formatta kezektí qoǵamdyq qabyldau ótkízdí.
Qatysushylarǵa tarıfterdíń qalyptasuy, kommunaldyq ınfraqūrylymdy jańǵyrtu jáne tūtynushylardyń múddelerín qorǵau máselelerí túsíndíríldí.
Aldaǵy jylytu mausymyna daıyndyqqa erekshe nazar audaryldy. Mamandar jóndeu jūmystarynyń júrgízíluí, nysandardyń daıyndyǵyn baqylau jáne jylu jelílerín jańartu turaly bayandady. Ūlttyq joba ayasynda shamamen 1,6 myń shaqyrym jylumen jabdyqtau jelísín jańǵyrtuǵa 1,3 trln teńgege juyq ınvestıtsıya tartu josparlanǵan.
Infraqūrylymdy jańartu taqyryby su būru jáne sumen jabdyqtau salalarynda da jalǵasyn tapty. Qazírgí tańda jelílerdíń ortasha tozu deńgeıí tıísínshe 48% jáne 56%-dy qūraıdy. Ūlttyq jobany íske asyru myńdaǵan shaqyrym jelíní jańartyp, olardyń tozuyn tómendetuge jáne kommunaldyq qyzmetterdíń senímdílígín arttyruǵa múmkíndík beredí.
Elektr energetıkasy salasynda túpkílíktí baǵanyń qūrylymy, jarıya tyńdaulardy ótkízu tártíbí jáne atauly qoldau tetígí túsíndíríldí. Komıtet tarıfterdíń negízsíz ósuíne jol bermeu jóníndegí jūmysty jalǵastyruda.
Jeke taqyryp retínde tauarlyq gaz baǵasynyń qalyptasuy qaraldy. Gazdyń bólshek sauda baǵasy kóterme baǵadan, tasymaldau tarıfínen jáne ótkízu shyǵystarynan tūrady. Osy úsh qūramdastyń barlyǵyn memleket retteıdí. Atauly áleumettík jáne tūrǵyn úı kómegín alushylar úshín baǵanyń ósuín ınflyatsıyanyń tómengí shegí deńgeıínde shekteıtín arnaıy tetík qarastyrylǵan.
Qoǵamdyq qabyldau qorytyndysynda tarıftík ótínímderdíń zańnama talaptaryna sáıkes qaralatyny, al tabıǵı monopolıyalar subektíleríníń shyǵyndary negízdílígí tūrǵysynan tekseríletíní atap ótíldí. Úderístíń ashyqtyǵy jarıya tyńdaular men «Monopolıst» aqparattyq bazasy arqyly qamtamasyz etíledí.