Qazaqstanda altyn buıymdardy tıisti synamasyz satqan kásipkerlerge aıyppul salynady. Buǵan deıin mundaı zańbuzýshylyq úshin tek eskertý berilse, endi jańa talaptarǵa sáıkes qatań jaza qarastyrylǵan. Bul týraly Aqshamnews.kz habarlaıdy.
Erejeni buzǵandarǵa salynatyn aıyppul:
- 190 000 teńgeden 580 000 teńgege deıin
- Aıyppul mólsheri kásipkerlik sýbektisiniń sanatyna baılanysty esepteledi:
– Shaǵyn bızneske – tómengi shekte,
– İri saýda oryndary men zańdy tulǵalarǵa – joǵary shekte aıyppul salynady.
Memlekettik organdardyń málimetinshe, altyn buıymdardyń synamasyz satylýy – tutynýshynyń quqyǵyn buzý jáne kóleńkeli saýdaǵa jol berý bolyp tabylady. Jańa talaptar:
- Tutynýshylardyń aldanyp qalýyna jol bermeýge,
- Resmı zergerlik ónimder naryǵyn tártipke keltirýge,
- Kóleńkeli aınalymdy azaıtýǵa baǵyttalǵan.
Endi altyn nemese zergerlik buıym satyp alǵanda synama tańbasynyń (kleımo) bolýyna mindetti túrde nazar aýdarý kerek. Al satýshylarǵa bul talapty oryndaý – zańdy mindet.