Kelesí jyly «Qazsushar» mekemesíníń 105 mamany QHR-da bílíktílík arttyru kurstarynan ótedí.
Su resurstary jáne ırrıgatsıya mınıstrí Nūrjan Nūrjígítov qytaılyq Power China kompanıyasynyń Qazaqstandaǵy ókílderímen kezdesu barysynda tıístí kelísímge qol jetkízdí, dep habarlaıdy aqshamnews.kz Su resurstary jáne ırrıgatsıya mınıstrlígíne sílteme jasap.
Arnaıy kurstar toqsan saıyn ótedí. Sáuír aıynda Qytaıǵa 30 maman barady. Sodan keıín 25 adamnan jasaqtalatyn toptar ár úsh aı saıyn bílíktílík arttyru baǵdarlamasyna qatysady. Jaqyn arada taraptar oqu baǵdarlamalarynyń taqyryby men baǵyt-baǵdaryn aıqyndaıtyn bolady.
«Sheteldík kompanıyalarmen jáne ózge memlekettermen kelíssózder barysynda míndettí taqyryptyń bírí – bírlesíp kadr dayarlau jáne mamandardyń bílíktílígín arttyru. Bízdíń mamandar Qytaıda mol tájírıbe jınaıtynyna senímdímín. Bıyl mınıstrlík su sharuashylyǵy qyzmetkerleríníń bílíktílígín arttyru jūmysyn belsendí júrgízdí. Mysaly, jyl basynan berí 500-den astam adam mamandandyrylǵan ortalyqtarda kurstan óttí. Būl bastapqy jospardan 12%-ǵa artyq», - dedí Su resurstary jáne ırrıgatsıya mınıstrí Nūrjan Nūrjígítov.
Sondaı-aq, mınıstr qytaılyq kásípkerlermen Power China kompanıyasynyń elímízde su qoımalaryn salu jáne rekonstruktsıyalau jūmystaryna qatysu máselesín talqylady. Sheteldík delegattar Qazaqstanda jańa su sharuashylyǵy ınfraqūrylymyna ınvestıtsıya saluǵa daıyn ekendíkterín bíldírdí.