Almaty qalasy boıynsha qylmystyq-atqarý júıesi departamentine qarasty №11 mekemesinde QR Konstıtýsıasynyń 30 jyldyǵyna oraı, Qazaqstan Parlamenti Májilisi VIII shaqyrylymynyń depýtaty, erejesiz jekpe-jekten QR eńbek sińirgen sport sheberi, Azıa chempıony, Eýropa chempıony, Erejesiz jekpe-jekten álemniń eki dúrkin chempıony Ardaq Nazarov jáne MMA-den álemniń eki dúrkin chempıony Qazbek Áshimmen, MMA-den álemniń bir dúrkin chempıony Ańsar Dáýletbaı jáne Batyrbek Abylaımen kezdesý ótti.
Sportshylar balalar kolonıasynda jazasyn ótep jatqan jasóspirimdermen “Sport - densaýlyq kepili” týraly, al nashaqorlyqtyń qurdymǵa súıreıtini jaıynda dıalog ornatty.
Sonmen qatar is-sharaǵa Almaty qalasy jáne Jetisý aýdanynyń prokýratýra ókilderi qatysty.
Ardaq Quttyqojauly qazirgi kúnge deıin jetken jetistikteri, baǵyndyrǵan belesteri týraly áńgimeledi. Ol ómir jolyn baıandaı otyryp, jasóspirimderdi jaman ádetterden alys bolýǵa, salaýatty ómir saltyn ustanýǵa shaqyryp, qoǵamǵa paıdasy tıer jaqsy azamat bolyp shyǵýlaryna tilektestigin bildirdi.
Iá, mundaı kezdesýler jazaly jasóspirimder úshin aýadaı qajet.
Ekijaqty dıalog, pikir almasý keshi QR Premer-Mınıstriniń ókimimen bekitilgen "Qylmystyq-atqarý (penıtensıarlyq) júıesi mekemelerindegi saýyqtyrýdyń 2023-2025 jyldarǵa arnalǵan Jol kartasyn" iske asyrý aıasynda uıymdastyryldy.
İs shara sońynda mekeme bastyǵynyń mindetin atqarýshy ádilet podpolkovnıgi Nurlan Serikuly Kerebaev meımandarǵa mekemedegi jazaly jasópirimderdiń atynan alǵysyn bildirdi.