Almatyda Armıyalyq ortalyq sport klubynyń sport rotasyn tolyqtyrǵan sarbazdar saltanatty túrde áskerı ant berdí.
Sportshylar, ūlttyq qūrama komandalardyń múshelerí, halyqaralyq turnırlerdíń jeńímpazdary men júldegerlerí áskerı ant berdí, dep habarlady Almaty-akshamy.kz Qorǵanys mınıstrlígíníń baspasóz qyzmetíne sílteme jasap.
– Būl saltanatty shara - ár er-azamat úshín mańyzdy jáne este qalarlyq sát. Sízder Otan aldynda adal boluǵa ant beríp, Qazaqstan Qaruly Kúshteríníń qataryna kírdíńízder. Ortalyq sport klubynyń sport rotasynda qyzmet atqaru - jauapty árí qūrmettí ís. Sízderge ortalyq sport klubynyń áskerí ataǵyn abyroımen alyp júrudí, sportta jeńíster men jetístíkterge jetudí tíleımín, – dedí Qorǵanys mınıstrlígí Sport komıtetíníń tóraǵasy, Ortalyq sport klubynyń bastyǵy Aıtalap Qūrǵambaev.
Sport rotasynyń qataryn 24 sportshy tolyqtyrdy. Olardyń qatarynda 2017 jylǵy álem chempıonatynyń kúmís júldegerí, 2018 jáne 2021 jyldardaǵy Azıya chempıonatynyń ekí dúrkín kúmís júldegerí, Tokıoda ótetín Olımpıada oıyndarynyń lıtsenzıya ıegerí, bokstan halyqaralyq dárejedegí sport sheberí Ádílhan Amanqūl, halyqaralyq reıtıngtegí turnırlerdíń jeńímpazy jáne júldegerí, Azıya chempıonatynyń ekí dúrkín qola júldegerí, taekvondodan sport sheberí Aıtuar Sháıkenov, 2020 jylǵy halyqaralyq turnırdíń jeńímpazy, respublıkalyq jarystardyń úsh dúrkín chempıony, bokstan QR sport sheberí Ádílet Dosymbekov bar.
– Bíz – olımpıada chempıondary Dáulet Tūrlyhanov, Anatolıı Hrapatyı, Vladımır Smırnov, Olga Rypakova, Serík Sápıev syndy tanymal álem chempıondarynyń dástúrlerín jalǵastyrushylarmyz. Bíz elímízdíń Qaruly Kúshterín Dúnıejúzílík áskerı oıyndarda jáne basqa da jarystarda laıyqty deńgeıde kórsetemíz dep oılaımyn, – dep atap óttí jas sarbaz Aıtuar Sháıkenov.
Armıyalyq ortalyq sport klubynda jattyǵularǵa qajettí jaǵdaı jasalǵan. Áskerı sportshylarmen myqty nūsqaushylar men jattyqtyrushylar aınalysatyn bolady. Jańadan ásker qataryna qosylǵan sarbazdar respublıkalyq jáne halyqaralyq jarystarda komandalar qūramynda Qaruly Kúshterdíń namysyn qorǵaıtyn bolady.
