Aqmola oblysyndaǵy Sandyqtau audandyq soty būrynǵy áıelín ūzaq uaqyt boıy ańdyp, mazasyn alǵan er adamǵa úkím shyǵardy, – dep habarlaıdy aqshamnews.kz tílshísí. Sot ony zańsyz qudalau (stalkıng) boıynsha kínálí dep tanyp, 100 saǵat qoǵamdyq jūmysqa míndettedí.
Aqparatqa sáıkes, er adam 2025 jyldyń mausymynan berí būrynǵy jūbaıyna maza bermegen: artynan ańdyǵan, úıí men jūmysy mańynda toruyldaǵan, qorlaıtyn habarlamalar jazǵan, terezeden syǵalap qaraǵan.
Óz qauípsízdígí men balalardyń tynyshtyǵyna alańdaǵan áıel polıtsıyaǵa aryz jazǵan. Keıín stalkıngke qatysty ís sotqa jetken.
Sotta aıyptalushy kínásín moıyndady. Jábírlenushí tarap hat-habardyń skrınshottaryn, audıojazbalardy jáne būǵan deıín eks-jūbaıyna qatysty qorǵau nūsqamasyn būzǵany úshín shyǵarylǵan sot aktílerín dálel retínde ūsynǵan.
Ís materıaldaryn qaraǵan sot er adamdy zańsyz qudalau faktísí boıynsha kínálí dep tauyp, 100 saǵat qoǵamdyq jūmys taǵaıyndaǵan jáne 6 aıǵa mínez-qūlqyna arnaıy talaptar qoıǵan. Soǵan sáıkes oǵan būrynǵy jūbaıyn ízdeuge, ańduǵa, baruǵa, sóılesuge, baılanys ornatuǵa tyıym salyndy. Sonymen bírge alkogol, esírtkí jáne psıhotroptyq zattardy qoldanbau míndetí júktelíp, aı saıyn profılaktıkalyq áńgímege kelíp tūru talap etílgen.
Eske salaıyq, būǵan deıín ÍÍM qazaqstandyqtarǵa azamattardyń jeke ómírí men qauípsízdígí zańmen qorǵalatynyn, al qaıta-qaıta mazalap, qudalau áreketterí qylmys sanalatynyn eskertken. Qaıtalap qońyrau shalu, habarlama jíberu, áleumettík jelí arqyly ańdu jáne adamnyń erkínen tys qudalau stalkıng retínde baǵalanyp, psıhologıyalyq árí qauípsízdík tūrǵysynan zıyan keltíretíní aıtylǵan.
QR QK 115-1-babyna sáıkes, stalkıng úshín 200 AEK-ke deıín aıyppūl, 200 saǵatqa deıín qoǵamdyq jūmys nemese 50 táulíkke deıín qamau jazasy qarastyrylǵan.
