Frılanser Baqtıyar Rahmanberdíníń búgíngí kúní de dál osyndaı almatylyq kóńíl kúıde óttí, – dep habarlaıdy aqshamnews.kz tílshísí.
Sońǵy byulleten de – almatylyq stılde: frılanser №250 saılau uchaskesín «japty»
Almatynyń óz yrǵaǵy bar. Mūnda eshkím qajetsíz asyqpaıdy. Tańǵy uaqyttan lázzat alyp, Arbatta seruendep, súıíktí kofehanasynda ūzaq otyra alady. Bíraq shynymen mańyzdy íske árdaıym uaqytynda jetedí.
Frılanser Baqtıyar Rahmanberdíníń búgíngí kúní de dál osyndaı almatylyq kóńíl kúıde óttí.
Ol tańyn naǵyz almatylyqqa tán ádetpen jazǵy kofehanada bastady. Odan keıín Arbattaǵy seruen, qalanyń qarbalas tírshílígí, sharuasy, yrǵaǵy. Keshke qaraı Baqtıyar taǵy da kofehanaǵa soqty.
Bíraq onyń almatylyq marshruty mūnymen ayaqtalǵan joq.
Baqtıyardyń shaǵyn, bíraq naqty jospary bar edí – №250 saılau uchaskesíne eń sońǵy bolyp kelíp, auyzekí tílmen aıtqanda uchaskení «jabu».
Jospar oryndaldy.
Baqtıyar sońǵy saılaushylardyń bírí bolyp kelíp, byulletenín aldy da, tańdau jasady. Sonymen qatar sońǵy dauys berushílerdíń bírí retínde saılau komıssıyasynyń múshelerímen estelík suretke tústí.
Ūıymdastyrushylarǵa alǵys aıtyp, qoshtasty da, qaıtadan sharuasymen qala tírshílígíne aralasyp kettí.
Asyǵyssyz. Artyq pafossyz. Naǵyz almatylyq stılde: kofe, Arbat, qala, saılau – odan keıín qaıtadan kúndelíktí tírshílík.
Naǵyz Almaty vibe degen osy shyǵar: óz yrǵaǵyńmen ómír súru, qalanyń ár sátínen lázzat alu jáne sonymen bírge eń mańyzdy íske úlgeru.
№250 saılau uchaskesí jabyldy.
Byulleten – jáshíkte.
Estelíkke foto qaldy.
Al Baqtıyar qaıtadan tírlígín jalǵastyrdy.
Almaty ádettegídeı sońǵy saılaushysymen de tańǵaldyra bíldí.