Almatynyń 35 joǵary oqu ornynda 236,1 myń student oqıdy. Studentterdíń eleulí bólígí elímízdíń basqa óńírlerínen kelgender jáne sheteldík azamattar. Būl turaly Almaty qalasy Jastar sayasaty basqarmasynyń ókílderí aıtty.
Qala óńírdegí eń írí bílím beru ortalyqtarynyń bírí. Kópūltty studenttík orta almatylyq joǵary oqu oryndaryna degen tūraqty qyzyǵushylyqty arttyryp, qalanyń bílím beru ekojúıesíníń halyqaralyq sıpatyn kúsheıtíp otyr.
Aıta keteıík, 2023 jyly Qazaqstanda 82 elden kelgen 26 myń sheteldík student bílím alǵan. Būl eldegí studentterdíń jalpy sanynyń 4,4% - y (606 myń adam). Sheteldík studentterdíń eleulí bólígí elímízdíń eń írí studenttík ortalyǵy sanalatyn Almatyǵa tıesílí.
Sheteldík studentterdíń basym kópshílígí ál-Farabı atyndaǵy Qazaq ūlttyq unıversıtetínde oqıdy - 4,5 myń adam. Ekínshí orynda S. Asfendıyarov atyndaǵy Qazaq ūlttyq medıtsına unıversıtetí. Mūnda 1,9 myń sheteldík student bílím alyp júr, onyń íshínde 1,2 myń adam (63,2%) úndí etnosynyń ókílderí.
Úzdík úshtík qatarynda Q. Sátbaev atyndaǵy Qazaq ūlttyq tehnıkalyq zertteu unıversıtetí bar. Atalǵan oqu ornynda Túrkímenstannan kelgen 1,9 myń sheteldík student bílím alyp júr. Abaı atyndaǵy Qazaq ūlttyq pedagogıkalyq unıversıtetínde 1,8 myń sheteldík student oqıdy.
«Sońǵy bír jyldyń íshínde sheteldík studentter sany 45%-dan astamǵa óstí (17,1 myńnan 22,6 myńǵa deıín, yaǵnı 5,5 myńǵa artty). Bízdíń joǵary oqu oryndarynyń álemdík reıtıngterdegí ornyn nyǵaıtyp, halyqaralyq baǵdarlamalardy damytyp, joǵary sapaly zamanauı bílím beru ortasyn qalyptastyryp jatqany bíz úshín úlken maqtanysh. Būl álemníń túkpír-túkpírínen keletín studentterdíń qyzyǵushylyǵyn oyatady», — dedí Almaty qalasy Jastar sayasaty basqarmasynyń basshysy Azız Kajdenbek.