Qyzmetkerler skrınıngtík zertteulerden ótu úshín jyl saıyn úsh jūmys kúníne deıín aqyly áleumettík demalys ala alady, – dep habarlaıdy aqshamnews.kz tílshísí.
Skrınıngtík zertteuler aurulardyń aldyn alu men olardy erte kezeńde anyqtaudyń eń tıímdí tásílderíníń bírí. Erte dıagnostıka emdeudí der kezínde bastap, auyr asqynulardyń aldyn aluǵa múmkíndík beredí.
Qazaqstan Respublıkasy Eńbek kodeksíníń talaptaryna sáıkes, jūmys berushí qyzmetkerge skrınıngtík tekseruden ótu úshín áleumettík demalys beruge míndettí. Būl kezeńde jūmyskerdíń jūmys orny men ortasha jalaqysy tolyq saqtalady. Atalǵan talap menshík nysanyna qaramastan barlyq jūmys berushíler úshín míndettí.
Skrınıngtík zertteuler densaulyq saqtau salasyndaǵy zańnamaǵa sáıkes ūıymdastyrylady. Belgílengen nysanaly toptarǵa kíretín azamattar medıtsınalyq tekserulerden tegín ótedí.
Memlekettík eńbek ınspektsıyasy jūmyskerlerdíń áleumettík kepíldíkteríníń saqtaluyn tūraqty baqylauda ūstaıdy. Eger jūmys berushí zań talaptaryn oryndamasa nemese azamattardan shaǵym tússe, memlekettík eńbek ınspektorlary tıístí zań ayasynda shara qoldanady.
Departament ókílderí jūmys berushílerge qyzmetkerlerdí skrınıngtík tekserulerden ótuge arnalǵan áleumettík demalys alu qūqyǵy turaly aldyn ala habardar etudí ūsynady.
Eńbek zańnamasyn saqtau tek qūqyq būzushylyqtardyń aldyn alyp qana qoımaı, ūıymdarda jauapty korporatıvtík mádenıettí qalyptastyruǵa yqpal etedí. Al skrınıngten uaqytyly ótu azamattardyń densaulyǵyn saqtap, ómír súru sapasyn jaqsartuǵa jáne eńbek áleuetín nyǵaıtuǵa múmkíndík beredí.