Premer-mınıstr Oljas Bektenovtiń tóraǵalyǵymen ótken Úkimet otyrysynda Memleket basshysynyń ekonomıkanyń barlyq salasyna sıfrlyq sheshimderdi engizý týraly tapsyrmalaryn júzege asyrý sheńberinde, sondaı-aq bıylǵy jyldy sıfrlandyrý jáne jasandy ıntellekt jyly dep jarıalaýyna oraı sıfrlandyrý men JI-di damytý máselesi qaraldy.
Oljas Bektenov Prezıdenttiń 2026 jyldy Sıfrlandyrý jáne JI jyly dep jarıalaýy Úkimet jumysynyń negizgi basymdyqtaryn aıqyndaıtynyn atap ótti.
Oljas Bektenov Prezıdenttiń 2026 jyldy Sıfrlandyrý jáne JI jyly dep jarıalaýy Úkimet jumysynyń negizgi basymdyqtaryn aıqyndaıtynyn atap ótti.
Memleket basshysy 2026 jyldy Sıfrlandyrý jáne jasandy ıntellekt jyly dep jarıalady.
Bizdiń basty maqsatymyz – ekonomıkanyń barlyq salalaryna serpindi tehnologıalardy engizý.
Jańa sıfrlyq ónimderdiń oń nátıjesin ár azamat sezinýge tıis
dep atap ótti Premer-mınıstr.
Jasandy ıntellekt jáne sıfrlyq damý mınıstrliginiń derekterine sáıkes, 2025 jyldyń qorytyndysy boıynsha Qazaqstanda 2606 aýyldyq eldi meken joǵary jyldamdyqty ınternetke qosylǵan. 2026 jyly taǵy 1900-in qosý josparlanýda. Bul rette 5G baılanysy 20 iri qalada qoljetimdi, 4G jelisi 3 115 aýyldy qamtıdy. 2026 jyly taǵy 836 aýyldy 4G-ge qosý josparlanýda.