Shveıtsarıyanyń Kran-Montana tau shańǵysy kurortynda bolǵan írí órtten qaza tapqan alǵashqy adamdardyń jeke basy anyqtaldy, dep habarlaıdy Aqshamnews.kz tílshísí Euronews-ke sílteme jasap.
Qaza tapqandardyń jeke basy anyqtaldy
Vale kantony polıtsıyasynyń málímetínshe, barda shyqqan órt saldarynan tórt adam kóz jūmǵan. Qaza tapqandardyń arasynda 21 jáne 16 jastaǵy Shveıtsarıya azamattary, sondaı-aq 18 jáne 16 jastaǵy ekí jasóspírím bar. Marqūmdardyń jeke basy tolyq anyqtalyp, máıítterí tuystaryna tapsyrylǵan.
100-den astam adam em qabyldap jatyr
Órtten zardap shekken 100-den astam adam medıtsınalyq kómek alyp jatyr. Olardyń bír bólígí sheteldík klınıkalarǵa jetkízílgen. Atap aıtqanda, bírqatar nauqas Germanıya auruhanalaryna shūǵyl túrde tasymaldandy. Aldaǵy kúnderí zardap shekkenderdí Frantsıya, Italıya jáne Belgıya auruhanalaryna auystyru josparlanyp otyr. Jalpy shetelge shamamen 50 adamdy jíberu kózdelgen.
Dárígerler jaǵdaıdy auyr dep baǵalap otyr
Medıtsına mamandary kóptegen nauqastyń jaǵdaıyn óte auyr dep baǵalauda. Zardap shekkenderdíń arasynda kámeletke tolmaǵandar da bar. Keıbír jábírlenushílerdíń denesíníń 70 paıyzdan astamy kúıgen, sondaı-aq tútín jūtudan ókpesíne auyr zaqym kelgen. Dárígerler ūzaq árí kúrdelí emdeu, bírneshe operatsıya qajet bolatynyn eskertedí.
Órt qauípsízdígí talaptaryna qatysty syn kúsheıdí
Qaıǵyly oqıǵadan keıín bardaǵy órt qauípsízdígí talaptarynyń saqtalmauyna qatysty syn údeı tústí. Kuágerler jertóleden shyǵatyn tar baspaldaqta adamdardyń keptelísí bolǵanyn aıtady. BAQ málímetínshe, 2015 jylǵy jóndeu jūmystary kezínde evakuatsıyalyq ótu joly tarylǵan boluy múmkín. Sonymen qatar qosalqy shyǵu jolynyń jıí jabyq tūrǵany jáne avarıyalyq esíktíń temekí shegetín bólme retínde paıdalanylǵany turaly aqparat tarady.
Qaıǵyly oqıǵa qalaı boldy
Qaıǵyly jaǵdaı 1 qańtarǵa qaraǵan túní Kran-Montana kurortyndaǵy Constellation barynda bolǵan. Aldyn ala málímet boıynsha, aldymen jarylys bolyp, artynsha írí órt shyqqan.
Prezıdent kóńíl aıtty, aza tūtu jarıyalandy
Oqıǵaǵa baılanysty Qazaqstan Prezıdentí Qasym-Jomart Toqaev Shveıtsarıya Konfederatsıyasynyń Prezıdentí Gı Parmelanǵa kóńíl aıtu jedelhatyn joldady.
Shveıtsarıya bılígíníń málímetínshe, órt saldarynan zardap shekkenderdíń kemínde 80-íníń jaǵdaıy auyr. Qaıǵyly oqıǵaǵa baılanysty Kran-Montana tau shańǵysy kurortynda bes kúndík aza tūtu jarıyalandy.