Shyǵys Qazaqstan oblysynda polıtseıler úzdík jas jol ınspektorlaryn anyqtady, – dep habarlaıdy aqshamnews.kz tílshísí Altainews.kz -ke sílteme jasap.
ShQO Polıtsıya departamentí oblystyq bílím basqarmasymen bírlesíp Óskemende jas jol ınspektorlarynyń oblystyq jarysyn ūıymdastyrdy. Auqymdy sharanyń negízgí maqsaty balalar arasyndaǵy jol-kólík jaraqatynyń aldyn alu jáne oqushylardyń jol júru erejelerí boıynsha bílím deńgeıín arttyru boldy.
Baıqauǵa oblystyń qalalary men audandarynan kelgen 10 mektep komandasy qatysty.
Qatysushylarǵa ShQO PD ákímshílík polıtsıya basqarmasy bastyǵynyń orynbasary, polıtsıya polkovnıgí Igor Klıshın qūttyqtau sóz arnap, jas ınspektorlardyń qoǵamdaǵy jauapkershílígí joǵary ekenín atap óttí.
– Óz úlgíleríńmen sender búgínde jol qauípsízdígín qamtamasyz etuge úles qosyp kelesíńder. Senderdíń arqalaryńda zań men tártíptí qūrmetteıtín sanaly azamattardyń jańa buyny qalyptasyp keledí, – dedí ol.
Jarys baǵdarlamasy alty kezeńnen tūrdy. Atap aıtqanda, qatysushylar «Jas retteushí», «Jas sanıtar», «Erudıtter turnırí», «Jol júru erejeleríníń bílgírlerí», «Toptyq tanystyru» jáne «Velosıpedtí mánerlep júrgízu» saıystarynda baq synady. Ár kezeńde oqushylar jol qauípsízdígí salasyndaǵy teorıyalyq bílímderí men tájírıbelík daǵdylaryn kórsettí.
Qorytyndysynda bírínshí oryndy Óskemendegí Ahmet Baıtūrsynūly atyndaǵy №20 orta mekteptíń komandasy ıelendí. Ekínshí oryn Glubokoe audanynyń jas jol ınspektorlaryna būıyrsa, úzdík úshtíktí Altaı audanynyń komandasy túıíndedí.