Maǵjan Jūmabaevqa arnalǵan Soltústík Qazaqstan jáne Omby oblystary student jastarynyń halyqaralyq sletí óttí, – dep habarlaıdy aqshamnews.kz tílshísí.
2026 jylǵy 23 mamyr kúní Soltústík Qazaqstan oblystyq «Dúnıejúzí qazaqtarynyń qauymdastyǵy» fılıalynyń ūıymdastyruymen, Soltústík Qazaqstan oblysy ákímdígíníń mádenıet basqarmasy, Maǵjan Jūmabaev audany ákímdígí jáne Sh. Uálıhanov atyndaǵy orys-qazaq dostyǵy ortalyǵy qoldauymen, sondaı-aq Reseı Federatsıyasynyń Omby qalasyndaǵy jastardyń qatysuymen «Ūly kósh – 35 jyl» ís-sharalar keshení ayasynda Maǵjan Jūmabaevqa arnalǵan Soltústík Qazaqstan jáne Omby oblystary student jastarynyń halyqaralyq sletí ótkízíldí.
Atalǵan slet — M. Qozybaev atyndaǵy Soltústík Qazaqstan unıversıtetí «Foundation» fakultetíníń tyńdaushylary, Ál-Farabı atyndaǵy Qazaq ūlttyq unıversıtetíníń Omby qalasyndaǵy fılıaly studentterí jáne Omby oblysynyń student jastary qatysqan mádenı-tanymdyq árí ruhanı-aǵartushylyq ís-shara boldy.
Ís-sharanyń negízgí maqsaty — jastar arasyndaǵy tarıhı-tanymdyq baılanysty nyǵaıtu, ūlttyq qūndylyqtardy nasıhattau, ūly aqyn árí «Alash» qozǵalysynyń qaıratkerí Maǵjan Jūmabaevtyń ómírí men shyǵarmashylyq mūrasyn keńínen tanytu, sondaı-aq Soltústík Qazaqstan oblysynyń tarıhı jáne kıelí oryndarymen tanystyru boldy.
Ís-shara barysynda qatysushylar Soltústík Qazaqstan oblysy, Maǵjan Jūmabaev audanyndaǵy Sarytomar auylyna baryp, óńírdíń tarıhı-mádenı nysandary jáne kıelí jerlerímen tanysty. Sapar barysynda jastar tuǵan ólkeníń tarıhy, ruhanı qūndylyqtary men halyqtyń mádenı mūrasy turaly mazmūndy maǵlūmat aldy.
Sonymen qatar Soltústík Qazaqstan jáne Omby oblystarynyń student jastarynyń qatysuymen Maǵjan Jūmabaevtyń shyǵarmashylyq jáne ruhanı mūrasyn nasıhattauǵa arnalǵan kezdesu óttí. Kezdesu barysynda ūlttyq tárbıe, ruhanıyat, tarıhı sana jáne mádenı qūndylyqtardy saqtaudaǵy jastardyń rólí máselelerí talqylandy.
Ótkízílgen ís-shara jastar arasyndaǵy dostyq baılanysty nyǵaıtuǵa, óńíraralyq yntymaqtastyqty damytuǵa, Qazaqstan tarıhy men mádenıetíne degen qyzyǵushylyqty arttyruǵa, sondaı-aq jas ūrpaqtyń ūlttyq sana-sezímí men patrıottyq ruhyn qalyptastyruǵa yqpal ettí.
Ís-sharanyń joǵary deńgeıde ótuíne jáne qatysushylarǵa jyly qabyldau kórsetkení úshín Maǵjan Jūmabaev audany ákímdígíne, mádenıet jáne tílderdí damytu bólímíne, mádenıet úıíníń ūjymyna, AMANAT partıyasynyń ókílderíne jáne barlyq ūıymdastyrushylarǵa shynaıy alǵysymyzdy bíldíremíz.
Sondaı-aq sapardy ūıymdastyruǵa jan-jaqty qoldau kórsetíp, kólíkpen qamtamasyz etken M. Qozybaev atyndaǵy Soltústík Qazaqstan unıversıtetí basshylyǵyna erekshe rızashylyǵymyzdy bíldíremíz.
Osyndaı mazmūndy árí ruhanı mańyzy zor ís-sharalar aldaǵy uaqytta da mádenı baılanystardy nyǵaıtuǵa, jastardyń damuyna jáne ūlttyq qūndylyqtardy dárípteuge óz úlesín qosa beredí dep senemíz.