Shyǵys Qazaqstan oblysynda TikTok úshin "áserli foto" túsirmek bolǵan áıel polıseılerdiń qyzmettik kóliginiń kapotyna shyǵyp, ákimshilik jazaǵa tartyldy, dep habarlaıdy Aqshamnews.kz tilshisi óńirlik sotqa silteme jasap.
Oqıǵa 2025 jylǵy 22 qyrkúıekte shamamen saǵat 20:00-de Altaı aýdanyndaǵy kólik jýý beketinde bolǵan. Áıel aýdandyq polısıa bóliminiń qyzmettik avtokóliginiń kapotyna minip, sýretke túsip, ony TikTok-ta jarıalaǵan. Sot bul áreketti bılik ókilderine qurmetsizdik tanytyp, qoǵamdyq tártipti buzý dep baǵalap, QR ÁQBtK-niń 434-babynyń 1-bóligi («Usaq buzaqylyq») boıynsha jaýapkershilikke tartty.
Sotta ol óz kinásin moıyndady. Eki kámeletke tolmaǵan balany tárbıelep otyrǵan, jumyssyz ekeni eskerilip, áıelge ákimshilik qamaý qoldanylmaı, 20 AEK kóleminde aıyppul salyndy. 30 paıyzdyq jeńildikti eseptegende tólenetin soma 55 048 teńgeni qurady. Sot qaýlysy zańdy kúshine endi.