Sheteldegí qazaq tílín oqytushylar bílíktílígín arttyrdy
«Abaı ınstıtuty» baǵdarlamasy ayasynda AQSh, Túrkıya, Reseı, Frantsıya, Germanıya, Brıtanıya, Belgıya, Iran, Mońǵolıya, Ózbekstan, Majarstan memleketterínde tūratyn qazaq dıasporasy ókílderíne qazaq tílín úıretíp júrgen oqytushylary ádístemelík kómek aldy, dep habarlaıdy almaty-akshamy.kz QazAqparatqa sílteme jasap.
Qazaqstan Respublıkasy Bílím jáne ǵylym mınıstrlígí Tíl sayasaty komıtetíníń tapsyrysymen júzege asqan shara ayasynda oqytushylarǵa ádístemelík kómek retínde «Qazaq tílín úıretu: otandyq jáne sheteldík tájírıbe» kursy ūıymdastyryldy.
«Otandastar» qorymen bírlese otyryp, qazan aıynda onlaın rejımde ótkízílgen sharanyń ūzaqtyǵy bír aptany qūrady. Kurstyń basty maqsaty shetelderdegí qazaq mádenı ortalyqtaryna ǵylymı-ádístemelík qoldau kórsetu jáne Qazaqstan aumaǵynan tys jerde tūryp, qazaq tílín úıreníp jáne úıretíp júrgen qandastarymyzǵa qoldau kórsetu.
Kursty qazaq tílín úıretíp júrgen otandyq oqytushylar men ádískerler ózderíníń jyldar boıy qalyptasqan tájírıbelerí negízínde deńgeıler boıynsha (A1, A2, V1, V2, S1) júrgízdí. «Tíl-Qazyna» ortalyǵynyń ádísteme basqarmasynyń basshysy Aıgúl Ormanova sharaǵa qatysushylarǵa sandyq tehnologıyanyń kómegímen qazaq tílín ana tílí jáne ekínshí shet tílí retínde ońtaıly úıretu, oqytudaǵy ádís-tásílderdí, ádístemelerdí, tehnologıyalardy qazírgí kezeń talaptaryna baılanysty qoldanu joldaryn kórsettí.
Qatysushylar tíldí qashyqtan tıímdí oqytudyń ádís-tásílderímen tanysyp, ózara tájírıbe almasty. Sondaı-aq oqytushylar qazaq tílín úıretuge arnalǵan úzdík oqu-ádístemelík qūraldarmen tanysty. Kursqa 250-ge juyq tyńdaushy qatysyp, sertıfıkatqa ıe boldy.