Memleket basshysy Eurazıyalyq kólík dálízderín tsıfrlandyrudyń mańyzyn atap óttí, – dep habarlaıdy aqshamnews.kz tílshísí.
Memleket basshysy Eurazıyalyq kólík júıesí Azıya, Europa jáne Tayau Shyǵys naryqtaryn baılanystyratyn joǵary tehnologıyalyq halyqaralyq marshruttar jelísí ekenín aıtty. Būl – jalpy ūzyndyǵy 50 myń shaqyrymnan asatyn keń auqymdy kólík dálízderí júıesí, onyń 10 myń shaqyrymnan astamy Qazaqstan aumaǵy arqyly ótedí.
"Jahandyq sauda-ekonomıkalyq baılanystar júıesíndegí óz rólímízdí saqtau úshín bízge transshekaralyq ınfraqūrylymdy odan árí damytu jáne tsıfrlandyru qajet. Ikemdí logıstıkalyq sheshímder, jetkízílím tūraqtylyǵy jáne júkterdíń ótu jyldamdyǵy Eurazıyalyq ekonomıkalyq odaqtaǵy tranzıttík aǵyndardy aıtarlyqtaı arttyruǵa múmkíndík beredí", – dedí Qasym-Jomart Toqaev.
Onyń aıtuynsha, odaq ayasyndaǵy aqparattyq júıelerdíń ózara ıntegratsıyasy – zaman talaby.
"Eurazıyalyq ekonomıkalyq komıssıyanyń ūlttyq servısterdíń tsıfrlyq vıtrınasyn qūru jóníndegí jūmysy óte ózektí. Būl úderísterdí jedeldetíp, EAEO-nyń tolyqqandy tsıfrlyq kólík ekojúıesín qalyptastyru qajet. Osy baǵyttaǵy kúsh-jígerdí bíríktíru Eurazıyanyń joǵary tehnologıyalyq kólík habyn qūruǵa múmkíndík beredí", – dedí Prezıdent.