Qabyldanǵan sharalar HQKO-da JSN alýshylar kezegin azaıtady.
Qazaqstanǵa sheteldikterdiń kóp kelýine baılanysty bir qatar óńirlerdegi HQKO jumysy kúsheıtildi, dep habarlaıdy Almaty-akshamy.kz Baq.kz silteme jasap.
«Sheteldikterdiń HQKO-larǵa jappaı kelýine baılanysty, «Azamattarǵa arnalǵan úkimet» memlekettik korporasıasy olardy Astana jáne Almaty qalalarynda, sondaı-aq Qostanaı, Batys Qazaqstan, Soltústik Qazaqstan, Pavlodar jáne Almaty oblystaryndaǵy arnaıy kúsheıtilgen HQKO-larda qabyldaý týraly sheshim shyǵardy»,- delingen habarlamada.
Qabyldanǵan sharalar HQKO-da JSN alýshylar kezegin azaıtady. Endi qonaqtar segiz oblystaǵy arnaıy kúsheıtilgen HQO-ǵa baryp, ózderine qajetti qyzmetti myna mekenjaılar boıynsha ala alady:
• Almaty q., Jetisý aýdany, Qulager sh/a, Serikov k-si, 6A;
• Astana q., Saýran k-si, 7;
• Pavlodar q., Pavlov k-si, 48;
• Oral qalasy, Jambyl kóshesi, 81/2;
• Qostanaı q., Gashek k-si, 14;
• Petropavl q., Áýezov k-si, 157;
• Kókshetaý q., Áýezov k-si, 189a;
• Aqtóbe q., Sańqybaı batyr dańǵ., 249.
JSN alý úshin sheteldikterden jeke basyn kýálandyratyn qujat talap etiledi. Al kórsetiletin qyzmetti alýshynyń resmı ókili júgingen jaǵdaıda, notarıaldy kýálandyrylǵan senimhat jáne ótinishi qajet bolady.
Sheteldikter úshin JSN kýáligin berý merzimi – 1 jumys kúni. Qazaqstanda JSN alý barlyǵyna tegin ekenin eske salamyz.
Qalǵan HQO-lar shtattyq rejımde dúısenbi-juma aralyǵynda 9:00-den 18:00-ge deıin, al kezekshi HQO-lar senbide 9:00-den 13:00-ge deıin jumys isteıtinin habarlaımyz. Qonaqtar
«Mobıldi HQKO» qosymshasy, eGov mobile, EgovKzBot2.0 telegram-boty, eGov elektrondy úkimet portaly jáne 1414 Biryńǵaı baılanys ortalyǵy arqyly HQKO-ǵa kezekke turý úshin aldyn ala tapsyrys bere alady.
Memlekettik korporasıa bolyp jatqan jaǵdaılardy retke keltirý úshin barlyq múmkindikti qarastyryp jatyr. Osy rette klıentterdi túsinikpen qaraýǵa shaqyramyz.