Almaty ákímí Darhan Satybaldy Ūly Otan soǵysy ardagerleríníń úıíne arnaıy baryp, Memleket basshysy Qasym-Jomart Toqaevtyń atynan merekelík qūttyqtauyn jetkízdí, dep habarlaıdy Aqshamnews.kz tílshísí.
Qala ákímí jyl ótken saıyn soǵys kuágerleríníń qatary sırep bara jatqanyn aıtyp, maıdangerlermen júzdesudíń erekshe mártebe ekenín atap óttí.
«Soǵys jyldaryn bastan ótkergen jandarmen kezdesíp, alǵys aıtu, estelíkterín óz auzynan estu – men úshín zor mártebe», – dedí Darhan Satybaldy.
Sapar barysynda ákím Berlınge deıín jetken maıdanger, kórnektí ǵalym árí ūstaz Zūlqarnaı Seıítūly Seıítovtíń shańyraǵynda boldy. Sondaı-aq, Europany azat etu jolyndaǵy shaıqastarǵa qatysqan 101 jastaǵy Ivan Begunovpen de kezdestí.
Darhan Satybaldy ardagerlerge Prezıdenttíń qūttyqtauy men alǵys sózín tabystap, jeńímpaz ūrpaqtyń erlígí men eldíń beıbít bolashaǵyna qosqan úlesí árdaıym joǵary baǵalanatynyn jetkízdí.
Kezdesu barysynda ardagerler maıdan jyldary men Jeńísten keıíngí ómír turaly estelíkterímen bólístí. Qala ákímí olarǵa zor densaulyq, ūzaq ǵūmyr tíledí.