Al 31 shildege deıin vaksına alǵan Satbayev University-niń stýdentterine beriletin júldeniń eń joǵarǵysy 5 mln. teńgelik grant bolyp tur.
Sátbaev ýnıversıtetiniń medısınalyq ortalyǵynda №4 jáne 12 emhanalardyń dárigerleri shaqyrylyp, vaksına pýnkti uıymdastyryldy, dep habarlaıdy Almaty-akshamy.kz
Ýnıversıtet sońǵy eki aı ishinde qyzmetkerler men stýdentterdi vaksınalaý boıynsha belsendi jumys júrgizip keledi. Munda koronavırýs ınfeksıasyna qarsy QAZVAC, CoronaVac, Hayat-Vax pen Spýtnık V vaksınalary bar.
Búginde ýnıversıtet qyzmetkerleriniń 65%-dan astamy jáne stýdentterdiń 20%-y koronavırýsqa qarsy ekpe aldy.
QR bas sanıtarlyq dárigeriniń eńbek ujymdarynyń Sovid-19-ǵa qarsy mindetti vaksınasy týraly qaýlysy shyqqannan keıin ýnıversıtet vaksına alǵan stýdentter men qyzmetkerlerdiń sanyn arttyrý boıynsha jumysty kúsheıtti.
1 tamyzǵa deıin qyzmetkerlerdiń 100% vaksına alýy josparlanýda. 1 tamyzdan bastap ýnıversıtet aýmaǵyna kirý medısınalyq qarsy kórsetilimderi bar vaksınadan ótken qyzmetkerler men bilim alýshylarǵa ǵana ruqsat etiledi.
Sondaı-aq QR bas memlekettik sanıtarlyq dárigeriniń qaýlysyna sáıkes, 2021 jyldyń 10 maýsymynan bastap Sátbaev ýnıversıtetiniń aýmaǵyna Ashyq qosymshasy arqyly kirýge bolady. Vaksına alǵandar úshin qosymsha yntalandyrý retinde JOO-da birqatar jeńildikter men preferensıalar qarastyrylǵan.
2021 jyldyń 1 men 31 shilde aralyǵynda Satbayev University-niń vaksına alǵan stýdentteri arasynda mynadaı júldeler beriledi:
- jeke startap ashýǵa 5 mln. teńge grant;
- JOO jataqhanalarynda turý úshin 20 oryn;
- eldegi nemese sheteldegi jetekshi kompanıalarda óndiristik praktıkadan ótýge jumsalǵan shyǵyndy tolyq óteý quqyǵy;
- Qoldau bızneske arnalǵan sıfrlyq platformasymen birlesip, kásipkerlik daǵdylardy damytý boıynsha 100 kýrs.
2021-2022 jyldary vaksına alǵan stýdentter:
- qaıta kýrstardan tegin ótý jáne 3 kredıtti qaıta tapsyrý;
- shyǵarmashylyq, ǵylymı, sporttyq is-sharalarǵa (meıkatondar, hakatondar, týrnırler, konsertter jáne t. b.) qatysýǵa múmkindik alý;
- akademıalyq utqyrlyq sheńberinde qosymsha bilim alý úshin shet elderge jáne elimizdiń basqa da joǵary oqý oryndaryna barýǵa.
Vaksınaǵa qatysqan qyzmetkerler men POQ úshin 2021 jylǵy 1 shildeden 31 shildege deıin mynadaı jeńildikter beriledi:
- POQ men qyzmetkerler ortasha jalaqysyn saqtaı otyryp, 2 kúnge jumystan bosatylý quqyǵyna ıe bolady;
- 10 qyzmetker 2021 jyldyń sońyna deıin JOO jataqhanalarynda turýǵa 50% jeńildik alady;
- 100 qyzmetker 5000 teńge kóleminde syıaqy alady.
Eske salsaq, 2021 jylǵy 3 shildedegi málimet boıynsha, Almatyda 480 myńnan astam adam vaksına aldy.
Qalada medısınalyq uıymdarda, mektepterde, mádenıet, sport nysandarynda, bazar men qalanyń SOSO-da 211 vaksına pýnkti jumys isteıdi. 300-den astam ekpe brıgadasy qyzmet atqarady.