Sara Nazarbaeva Prezıdent Ís basqarmasy Medıtsınalyq ortalyǵynyń Ūlttyq gospıtalínde emín jalǵastyryp jatyr, - dep habarlaıdy aqshamnews.kz.
"Nauqas emdeu kursynan ótíp jatyr. Barlyq ís-sharalar medıtsınalyq kómek kórsetu boıynsha bekítílgen standarttarǵa sáıkes jáne bílíktí mamandardyń baqylauymen júrgízílíp jatyr", – dep habarlady gospıtal.
Mekeme ókílderí Qazaqstan Respublıkasynyń "Halyq densaulyǵy jáne densaulyq saqtau júıesí turaly" kodeksíníń 273-babyna sáıkes dıagnozǵa, densaulyq jaǵdaıyna qatysty málímetter dárígerlík qūpıyaǵa jatatynyn atap óttí.
"Málímetterdí jarıyalamau turaly sheshím nauqastyń zańdy qūqyqtaryn – jeke ómírge qūrmetpen qarau jáne emdeu protsesíne aralasudan qorǵau maqsatynda, tek onyń múddesí úshín qabyldandy. Túsínístíkpen qarap, medıtsınalyq etıka máseleleríne qūrmetpen qaraǵanyńyz úshín alǵys aıtamyz", – delíngen Ūlttyq gospıtaldíń habarlamasynda.
Sara Nazarbaeva turaly ne belgílí?
Sara Nazarbaeva 1941 jyly 12 aqpanda Qaraǵandy oblysy Būqar jyrau audanynyń Qyzyljar auylynda dúnıege kelgen. Injener-ekonomıst mamandyǵy boıynsha bílím alǵan. Óz tegí - Qonaqaeva.
1962 jyly Sara Nazarbaeva Nūrsūltan Nazarbaevqa tūrmysqa shyqty. Araǵa bír jyl salyp Darıǵa esímdí qyzdy dúnıege ákeldí. Kóp ūzamaı Dınara men Álıya Nazarbaeva dúnıege keldí.
Táuelsízdíktíń alǵashqy jyldarynda Sara Alpysqyzy qoǵamdyq jūmystarda belsendí boldy. 1992 jyly "Bóbek" qoryn ashty. Keıín "SOS Kınderdorf" balalar auylyn ashqan.