«DAUYS» qoǵamdyq baıqaushylar koalıtsıyasy Qūryltaı deputattaryn saılauǵa júrgízílgen monıtorıngtíń aldyn ala qorytyndysyn jarıyalady, – dep habarlaıdy aqshamnews.kz tílshísí.
Saılau kúní el boıynsha koalıtsıyanyń 25 myńnan astam baıqaushysy jūmys ístegen.
Koalıtsıya tóraǵasy Tólegen Kúnádílovtíń aıtuynsha, saılau protsesí jalpy alǵanda tynysh jaǵdaıda ótken. Uchaskelerdíń basym bólígínde belgílengen rásímder saqtalyp, saılau komıssıyalary men qoǵamdyq baıqaushylardyń ózara jūmysy talapqa saı júrgízílgen.
«Júıelí daıyndyq qoǵamdyq baıqauǵa bíryńǵaı kásíbı kózqaras qalyptastyruǵa múmkíndík berdí. Baıqaushylar óz ókílettíkterín túsíníp, uchaskelerdegí ahualdy obektıvtí túrde tírkeı aldy. Erekshe nazar audarudy qajet etetín nemese osy nauqannyń ádíl árí ashyq ótuíne kúmán keltíretín zań būzushylyqtar bolǵan joq», – dedí Tólegen Kúnádílov.
Baıqaushylar kún boıy saılaushylardyń tūraqty legín tírkegen. Koalıtsıya ókílderí dauys beruge jastardyń belsendí qatysqanyn erekshe atap óttí.
«Saılaushylar arasynda jastardyń kóp bolǵany nazar audartady. Būl olardyń eldíń qoǵamdyq-sayası ómíríne qyzyǵushylyq tanytyp, Qazaqstannyń bolashaǵyn qalyptastyruǵa qatysuǵa daıyn ekenín kórsetedí», – dedí koalıtsıya tóraǵasy.
Saılauǵa deıín baıqaushylar bír aı boıy arnaıy daıyndyqtan ótken. Olarǵa saılau zańnamasy, qūqyqtary men míndetterí, dauys beru jáne dauystardy sanau tártíbí túsíndírílgen.
Monıtorıng barysynda uchaskelerdíń múgedektígí bar jáne júríp-tūruy shekteulí azamattar úshín qoljetímdílígí de baǵalandy. Baıqaushylar pandustardyń, arnaıy kabınalar men aqparattyq materıaldardyń boluyna nazar audarǵan.
Qazír koalıtsıya óńírlerden túsken málímetterdí jınaqtap jatyr. Materıaldar tolyq óńdelgennen keıín qoǵamdyq baıqaudyń qorytyndy taldamalyq esebí jarıyalanady.