12 000 úı sharuashylyǵy arasynda júrgízílgen qoǵamdyq píkírdí íríktemelí zertteu nátıjesí boıynsha, 2026 jyly úsh jastan asqan Qazaqstan halqynyń 47,7%-y dene shynyqtyrumen jáne sportpen aınalysady, – dep habarlaıdy aqshamnews.kz tílshísí.
Onyń íshínde 19,2%-y bos uaqytynda óz betínshe jattyǵady, 28,1%-y bílím beru ūıymdarynda ótkízíletín sporttyq sabaqtarǵa qatysady, al saualnamaǵa qatysqandardyń 0,4%-y sportpen kásíbı túrde aınalysady. 2025 jylmen salystyrǵanda dene shynyqtyrumen jáne sportpen aınalysatyndardyń úlesí 1,2 paıyzdyq tarmaqqa artyp, 46,5%-dan 47,7%-ǵa jettí.
Qala tūrǵyndary arasynda dene shynyqtyrumen jáne sportpen aınalysu deńgeıí bírshama joǵary - 49,3% (2025 jyly – 48,4%), al auyldyq jerlerde būl kórsetkísh 45,0%-dy qūrady (2025 jyly – 43,5%). Būl rette qala tūrǵyndary bos uaqytynda óz betínshe jattyǵudy jıí tańdaıdy – 22,2%, al auyldyq jerlerde būl kórsetkísh 13,7%-dy qūraıdy.
Óz betínshe dene shynyqtyrumen jáne sportpen aınalysatyndardyń eń joǵary úlesí 36-48 jas aralyǵyndaǵy adamdarǵa tıesílí (28,4%). Odan keıín 17-28 jas aralyǵyndaǵy (18,6%), 58 jastaǵy jáne odan úlken (16,6%), 29-35 jas (16,0%) jáne 49-57 jas aralyǵyndaǵy (15,4%) toptary keledí.
Óńírlík bólíníste 17-28 jas aralyǵynda óz betínshe dene shynyqtyrumen jáne sportpen aınalysatyndardyń eń joǵary úlesí Mańǵystau (48,1%), Qyzylorda (31,0%), Aqtóbe oblystarynda jáne Ūlytau oblysynda (28,9%) baıqalady. 36-48 jas aralyǵyndaǵylar arasynda eń joǵary kórsetkísh Pavlodar (42,6%), Jambyl (40,8%) oblystarynda jáne Shymkent qalasynda (39,2%) tírkeldí. 58 jas jáne odan joǵary jastaǵylar arasynda Soltústík Qazaqstan (32,7%), Qostanaı (32,2%) oblystary jáne Almaty qalasy (30,3%) kósh bastap tūr.
Jynysy boıynsha óz betínshe dene jattyǵulary men sportpen aınalysatyndar arasynda bólínís ís júzínde teń: 51,0%-yn erler, 49,0%-yn áıelder qūraıdy. Erler arasynda eń joǵary úles 36-48 jas aralyǵyndaǵy jas tobyna tıesílí (14,4%), odan keıín 17-28 jas (11,3%) jáne 29-35 jas (9,1%) toptary keledí. Áıelder arasynda da 36-48 jas aralyǵyndaǵy jas toby kósh bastap tūr (13,9%), sondaı-aq 58 jastaǵy jáne odan úlken áıelderdíń úlesí joǵary (12,3%).
Qalalarda áıelderdíń 43,9% jáne erlerdíń 34,5% óz betínshe dene belsendílígímen aınalyssa, auyldyq jerlerde araqatynas kerísínshe: erlerdíń 54,6% jáne áıelderdíń 32,7% óz betínshe aınalysady.
Óz betínshe jattyǵu jasau dene belsendílígíníń negízgí túrí bolyp qala beredí: erlerdíń 39,7%-y jáne áıelderdíń 41,0%-y ūıymdastyrylǵan sabaqtarǵa qatyspaı, óz betínshe jattyǵudy jón kóredí.
Sport sektsıyalary men trenajer zaldaryn qosa alǵanda, ūıymdastyrylǵan sporttyq sabaqtarǵa erlerdíń 8,7%-y jáne áıelderdíń 6,6%-y qatysady. Taǵy 2,5% er adam jáne 1,5% áıel ūıymdastyrylǵan sabaqtardy óz betínshe jattyǵumen qatar alyp júredí.
Óz betínshe dene belsendílígímen aınalysatyn erlerdíń eń joǵary úlesí Jambyl (68,5%), Túrkístan (66,2%), Qyzylorda (60,6%) oblystarynda jáne Jetísu oblysynda (56,9%) baıqalady. Áıelder arasynda eń joǵary kórsetkíshter Shymkentte (53,8%), Astanada (52,1%), Aqmola (49,7%) jáne Shyǵys Qazaqstan (46,3%) oblystarynda tírkeldí. Ūıymdastyrylǵan sabaqtar erler arasynda Mańǵystau (25,3%), Ūlytau (21,9%), Qaraǵandy (21,7%) jáne Almaty (21,0%) oblystarynda, al áıelder arasynda Soltústík Qazaqstan (21,2%), Pavlodar (17,5%) oblystarynda, Almatyda (16,4%) jáne Qaraǵandy oblysynda (16,0%) keń taralǵan.