Ís-shara ayasynda mektep oqushylary aldymen mádenı-demalys ortalyǵynda bolyp, ınstıtuttyń tarıhynan syr shertetín muzeı ekspozıtsıyalarymen, sondaı-aq generaldar stendímen tanysty, – dep habarlaıdy aqshamnews.kz tílshísí.
Saǵadat Nūrmaǵambetov atyndaǵy Qūrlyq áskerleríníń áskerı ınstıtuty bazasynda Ashyq esík kúní ótíp, oǵan 10–11 synyptardyń 129 oqushysy 12 ata-ana 3 ardager qatysty.
Odan keıín ınstıtuttyń saptyq alańynda áskerı tehnıka men atys qarularynyń kórmesí ūıymdastyrylyp, qatysushylarǵa olardyń taktıkalyq-tehnıkalyq sıpattamalary tanystyryldy.
Baǵdarlama barysynda qonaqtarǵa oqu-ádístemelík synyptar kórsetílíp, áskerı mamandardy dayarlau úderísí turaly jan-jaqty aqparat beríldí. Sonymen qatar, oqushylar sport keshenín aralap, zamanauı jabdyqtalǵan gımnastıka, oıyn jáne trenajer zaldarymen tanysty.
Ís-shara ayasynda kursanttar men mektep oqushylary arasynda sporttyq saıystar ūıymdastyryldy. Atap aıtqanda, kermede tartylu boıynsha ótken jarysta oqushylardyń bírí úzdík nátıje kórsetíp, jeńíske jettí. Sondaı-aq platsta Kalashnıkov avtomatyn bólshekteu jáne jınaqtau boıynsha jarys ótkízíldí.
Qonaqtarǵa kursanttardyń tūrmys jaǵdaıymen tanysu maqsatynda kazarmalar kórsetíldí. Ís-shara sońynda qatysushylarǵa dástúrlí áskerı taǵam – soldat botqasy ūsynyldy.
Ashyq esík kúní jastarǵa áskerı qyzmettíń erekshelíkterín keńínen tanystyryp, olardyń áskerı mamandyqqa degen qyzyǵushylyǵyn arttyruǵa baǵyttaldy.