Taǵy bír jyl ayaqtaluǵa jaqyn. Jyl sońynda ótken kezeńge qorytyndy jasap, bolashaqqa jospar qūru qaı salada da dástúrge aınalǵan. Osy oraıda Kardıologıya jáne íshkí aurular ǵylymı-zertteu ınstıtutynyń Basqarma tóraǵasy Rústem Tóleutaev ınstıtuttyń atqarǵan jūmystary turaly aıtyp berdí.
“Ǵylymı qyzmet bízdíń ınstıtut úshín basym baǵyt bolǵandyqtan, 2025 jylǵy negízgí jetístíkterímízdíń qatarynda tıístí farmatsevtıkalyq praktıka talaptaryna sáıkestík (GPP) mártebesíníń beríluín, sondaı-aq Bıoetıka jóníndegí jergílíktí komıssıyanyń sertıfıkattaluyn atap ótuge bolady.
Halyqaralyq úrdísterge saı bolu jáne patsıentterímízge dıagnostıka men emdeudíń eń joǵary deńgeıín qamtamasyz etu maqsatynda bílím beru úderísíne erekshe kóńíl bólíndí: dárígerler Qazaqstannyń, Túrkıyanyń, Qytaıdyń, Reseıdíń jáne basqa da elderdíń jetekshí klınıkalarynda taǵylymdamadan ótíp, zamanauı ádísterdí meńgerdí jáne sheteldík áríptesterímen tájírıbe almasty”, - deıdí R.Tóleutaev.
Bílím men tájírıbe almasu, kásíbı baılanystardy nyǵaıtu maqsatynda bıyl sheteldík jetekshí mamandardyń qatysuymen 10-nan astam master-klass ótkízílíp, arıtmologıya jáne ınterventsıyalyq aralasular jasalǵan. Atap aıtqanda: Ispanıya, Avstrıya, Reseı, Shvetsıya, Qytaı, Polsha jáne basqa da jaqyn jáne alys shetelderdíń jetekshí ınterventsıyalyq kardıologtary men arıtmologtarynyń qatysuymen Farapulse Ablation tehnologıyasyn qoldana otyryp jasalǵan bíregeı júrek operatsıyasy, sońǵy buyndaǵy ınnovatsıyalyq ózdígínen keńeıetín klapandy ımplantatsıyalau arqyly oryndalǵan bírqatar TAVI operatsıyalary (Almaty qalasynda alǵash ret), dárílík jabyny bar ballondardy qoldanumen kúrdelí aralasular, jasandy ıntellekttí paıdalana otyryp jańa buynnyń tamyríshílík ultradybystyq zertteulerí, sondaı-aq CRT-P Amvia Sky qūrylǵysyn ornatu arqyly júrektíń fızıologıyalyq stımulyatsıyasy júzege asyryldy.
“Bíz kardıohırurgıya salasynda júrekke jasalatyn mınıınvazıvtí operatsıyalar men gıbrıdtí tehnologıyalardy – az ınvazıvtí aralasular, júrek transplantatsıyasy jáne sol jaq qarynshanyń jasandy qūrylǵysyn (LVAD) ımplantatsıyalau otalaryn jasaudy jalǵastyryp kelemíz. Bıyl 5 júrek transplantatsıyasy jasaldy.
QR Densaulyq saqtau mınıstrí Aqmaral Shárípbaıqyzynyń tapsyrmasymen halyqaralyq standarttarǵa saı, asqynulardyń aldyn alu men erte dıagnostıkalauǵa erekshe kóńíl bólínetín, zamanauı jabdyqtarmen qamtylǵan Respublıkalyq endokrınologıya jáne dıabet ortalyǵy ashyldy.
Sonymen qatar zamanauı endoskopıyalyq oqu ortalyǵy qūryldy. Mūnda tek Qazaqstannan ǵana emes, Ortalyq Azıya elderíníń de endoskopıst-dárígerler de bílíktílígín arttyra alady. Gastroıntestınaldyq endoskopıya salasyndaǵy eń ozyq jabdyqtarmen jaraqtandyryluy ortalyqty neoplazıyalardy jáne qoljetímdílígí qıyn ísíkterdí, sonyń íshínde pankreatobılıarlyq aımaqtaǵy túzílísterdí dıagnostıkalaudyń jańa deńgeıíne shyǵardy”, - deıdí Basqarma tóraǵasy.
Medıtsına salasyndaǵy halyqaralyq yntymaqtastyq densaulyq saqtaudy damytuda, bílím men tehnologıya almasuda mańyzdy ról atqarady. Ózbekstanda ótken Qazaqstan medıtsınasy kúnderí ayasynda ınstıtuttyń jetekshí mamandary – ınterventsıyalyq arıtmologtar men kardıologtar, kardıohırurgtar, endokrınologtar jáne endoskopıster Ferǵana, Núkís jáne Tashkent qalalaryndaǵy medıtsınalyq ortalyqtarda master-klastar, operatsıyalar, semınarlar men konsultatsıyalar ótkízdí. Ózbekstan Respublıkasy Densaulyq saqtau mınıstrlígíníń Ūlttyq ǵylymı medıtsınalyq ortalyǵymen, Respublıkalyq mamandandyrylǵan kardıologıya ǵylymı-praktıkalyq medıtsınalyq ortalyǵymen, endokrınologıyalyq ortalyqtarmen bírqatar yntymaqtastyq memorandumyna qol qoıyldy. Ózbekstandaǵy mıssıya Instıtuttyń Ortalyq Azıyadaǵy ūlttyq deńgeıdegí referenstík mekeme retíndegí pozıtsıyasyn nyǵaıtty.
“Bíz patsıentterdíń densaulyǵyn jaqsartu, eńbekke qabílettílígín saqtau, auru asqynularynyń aldyn alu jáne olardy qoǵamnyń qalypty ómíríne beıímdeu úshín bar kúsh-jígerímízdí salamyz. Instıtutta patsıentterdíń densaulyǵyn qoldau men aurudyń aldyn alu maqsatynda tūz shahtasy jūmys ísteıdí. Keıíngí jyldary ınstıtut terapıyalyq beıíndegí patsıentterge arnalǵan mamandandyrylǵan kómektí belsendí damytyp, engízíp keledí. Terapıyalyq baǵyttar boıynsha mamandandyrylǵan kómektíń qoljetímdílígín keńeıtu maqsatynda ınstıtutta Revmatologıya ortalyǵy, Íshektíń qabynu aurulary men qysqa íshek sındromy ortalyǵy, eresek patsıentterge arnalǵan Orfandyq patologıyalar ortalyǵy, Lıpıdologıya ortalyǵy, Sozylmaly júrek qyzmetíníń jetkílíksízdígí kabınetí jáne Respublıkalyq allergologıya ortalyǵy jūmys ísteıdí. Gastroenterologıya, revmatologıya jáne endokrınologıya salalarynda ozyq ádíster engízíldí. Bıyl keshendí dıagnostıkaǵa KT-densıtometrıya jáne vıstseraldy maıdy KT arqyly baǵalau qosyldy”, - dep atap óttí R.Tóleutaev.
Telemedıtsınany engízu - halyqqa kórsetíletín medıtsınalyq kómektíń sapaly deńgeıíne qol jetkízudegí mańyzdy faktorlardyń bírí. Jyl boıy klınıkanyń jetekshí mamandary telemedıtsına arqyly elímízdíń barlyq óńíríndegí medıtsına qyzmetkerleríne, auyr jaǵdaıdaǵy patsıentterge, onyń íshínde júktí áıelderge qashyqtan konsultatsıyalar berdí. Pánaralyq beıíndegí jetekshí sarapshylardyń keńesterí óńírlerdegí áríptesterge auyr nauqastardy ómíríne qauíp tóndírmeı ınstıtutqa jetkízuge, dūrys dıagnoz qoyuǵa, emdeu taktıkasyn anyqtauǵa, barlyq deńgeıde medıtsınalyq kómek kórsetu traektorıyasyn belgíleuge, sondaı-aq júktílíktí ūzartuǵa múmkíndík berdí.
Kásíbı mamandardan qūralǵan komanda, tájírıbe, ǵylym jáne tehnologıyany qatar alyp júre otyryp, adam úshín eń basty qūndylyq bolyp tabylatyn - ómír men patsıentterdíń sapaly ómír súruí baǵytyndaǵy jūmysyn aldaǵy jyly da jalǵastyra beretín bolady.