Roskomnadzor tanymal platformany tolyq buǵattaǵanyn málimdedi, dep habarlaıdy aqshamnews.kz
Buǵattaýǵa sebep retinde "ekstremıstik jáne terorıstik áreketterdi nasıhattaý men aqtaý, zorlyq áreketterin jasaýǵa shaqyrý materıaldarynyń kóp jáne qaıtalanatyn taralýy" kórsetildi.
RBK basylymynda atap ótilgendeı, Roskomnadzor buǵan deıin de platformanyń "qolaısyz kontentke" toly ekenin málimdegen jáne 2019 jyldan beri qyzmetke birneshe ret shaǵymdar joldanǵan.
Roblox – eń tanymal oıyn platformalarynyń biri. Platformanyń ıdeıasy 2004 jyly paıda bolyp, 2006 jyly iske qosylǵan. Kún saıynǵy belsendi qoldanýshylar sany 151 mln-nan asady. Solardyń jartysynan kóbi 16 jasqa deıingi balalar, al kóbisi 13 jasqa deıingi balalar.
Eske salsaq, buǵan deıin Sankt-Peterbýrg turǵyny 22 jasar jigittiń energetıkti shamadan tys paıdalaný saldarynan ómiri qaýipke ushyraǵany týraly habarlanǵan edi. Ol túngi kompúter oıyndaryna qyzyǵyp, oıaý qalý úshin energetıkalyq sýsyndardy ishe bastaǵan. Alǵashynda kúnine bir banka ishken bolsa, ýaqyt óte onyń dozasy ash qarynǵa 3-5 sýsynǵa deıin jetken.