Mamandar vaksınalaý 20 qyrkúıekke deıin bastalýy kerektigin aıtyp otyr.
Gamaleıa ortalyǵynyń basshysy Aleksandr Gınsbýrg Reseıde koronavırýsqa qarsy ekpe jasóspirimderge qaı ýaqytta bastaıtyny týraly aıtty , dep habarlaıdy Almaty-akshamy.kz Lenta.ru caıtyna silteme jasap.
Gınsbýrgtiń aıtýynsha, eldegi jasóspirimderge vaksına salý 20 qyrkúıekke deıin bastalýy kerek.
«Biz buǵan tótep bergimiz keledi, qalaı bolady, ázirge osy úshin bárin jasap jatyrmyz», - dedi Gınsbýrg.
Sonymen qatar ol jaqynda koronavırýstyń aýyr túrimen aýyratyn jasóspirimder sanynyń burynǵyǵa qaraǵanda kóbeıgenin aıtty.
«Biz olardy qorǵaýymyz kerek», - dep aıaqtady ol.
Maman sonymen qatar Sputnik V vaksınasyn zertteýge qatysatyn reseılik jasóspirimderdiń jaǵdaıy týraly aıtty. Onyń aıtýynsha, eki balanyń temperatýrasy shamamen 37 gradýs bolǵan.
«Biraq bul qalypty reaksıa, sebebi biz olarǵa tuzdy eritindi emes, vaksına saldyq. Eger dene ystyǵyn teksermegende, olar ony baıqamaǵan da bolar edi », - dedi Gınsbýrg.
12-17 jas aralyǵyndaǵy jasóspirimderge arnalǵan Sputnik V vaksınasyn zertteý 5 shildede bastaldy. Test Gamaleıa ortalyǵymen birlese otyryp eki balalar emhanasynyń bazasynda ótkiziledi. Zertteýge 100 erikti tartyldy.