Reseı aumaǵyndaǵy metallurgıyalyq kásíporynda Qazaqstannyń ekí azamaty qaza tapty, dep habarlaıdy Aqshamnews.kz tílshísí.
Qaıǵyly oqıǵa Reseıdíń Vologda oblysynda ornalasqan Cherepovets metallurgıyalyq kombınaty aumaǵynda bolǵan. Atalǵan kásíporyn – Severstal kompanıyasynyń negízgí óndírístík aktıvteríníń bírí.
Kompanıyanyń málímetínshe, 14 qańtarda kombınattyń óndírístík alańynan merdíger ūıymdarda jūmys ístegen ekí qyzmetkerdíń máıítí tabylǵan. Olar - Qazaqstan azamattary.
"14 qańtarda CherMK óndírístík alańynda merdíger ūıymdardyń ekí qyzmetkerí – Qazaqstan azamattary ólí tabyldy. Qazírgí uaqytta oqıǵanyń sebepterí anyqtalyp jatyr, oqıǵa ornynda arnaıy qyzmetter jūmys ístep jatyr. Qaza tapqandardyń jaqyndaryna kóńíl aıtamyz", – dep habarlady “Severstal” kompanıyasy.
Vologda oblysy boıynsha Reseı Federatsıyasy Tergeu komıtetíníń deregínshe, oqıǵa ornynda jedel-tergeu toby jūmys ístep jatyr. Qaıǵyly jaǵdaıdyń naqty sebepterí anyqtalu ústínde.
