Iran astanasynda Izraıl men AQSh-tyń áue soqqylarynan keıín Mehrabad halyqaralyq áuejaıy órteníp jatyr. Shabuyl saldary BAQ pen áleumettík jelílerde jarıyalanyp jatyr, – dep habarlaıdy aqshamnews.kz tílshísí.
Tegerannyń batys bólígínde qatty jarylystar bolǵan.
Kuágerler bírneshe írí órt shyqqanyn, sonyń íshínde Mehrabad áuejaıy mańynda da órt bolǵanyn aıtyp jatyr.
Mehrabad halyqaralyq áuejaıy - Irandaǵy eń kóne árí tarıhı mańyzy zor áuejaılardyń bírí. 2000-jyldardyń basyna deıín Mehrabad Irannyń basty halyqaralyq áuejaıy boldy. Halyqaralyq reısterdíń basym bólígí osy áuejaı arqyly júzege asyrylatyn. Alaıda jolaushylar aǵynynyń artuyna baılanysty bılík jańa áuejaı salu turaly sheshím qabyldady. 2004 jyldan bastap halyqaralyq reısterdíń kópshílígí Tegerannan ońtústíkke qaraı shamamen 30–40 shaqyrym jerde ornalasqan Imam Homeını atyndaǵy halyqaralyq áuejaıǵa kóshíríldí.
Iran Izraılge de soqqy jasap jatyr. Islam revolyutsıyasy saqshylary korpusy shabuyldardyń jańa tolqyny bastalǵanyn málímdedí.
Būǵan deıín AQSh prezıdentí Donald Tramp Iranǵa qatań sharttar qoıǵan bolatyn. Atap aıtqanda, Tramp Iranmen qandaı da bír kelísím tek onyń "sózsíz tíze búguí" jaǵdaıynda múmkín ekenín málímdedí.
