Qazaqstanda satyp alushylarǵa azyq-túlík jáne azyq-túlík emes tauarlardyń keń assortımentíne jeńíldíkter men arnaıy baǵalar ūsynatyn Republic Day jáne Bereke Fest respublıkalyq aktsıyalary jalǵasuda, – dep habarlaıdy aqshamnews.kz tílshísí.
Republic Day aktsıyasyna 232 sauda-oıyn-sauyq ortalyǵy, sauda ortalyǵy men sauda úıí qosyldy. Al Bereke Fest aktsıyasyna 417 sauda jelísí qatysuda. Ekí aktsıya da elímízdíń barlyq óńírín qamtıdy.
Aktsıyalar ayasynda tauarlardyń ártúrlí sanattaryna arnaıy ūsynystar qarastyrylǵan. Jeńíldíkter mólsherí men aktsıyalarǵa qatysu sharttary naqty tauar túrlerí men sauda nysandaryna baılanysty. Jekelegen tauarlarǵa 50%-ǵa deıín jeńíldík ūsynylady.
Ekí aktsıya íshkí saudanyń ártúrlí formattaryn qamtıdy. Republic Day - sauda-oıyn-sauyq ortalyqtaryna, sauda ortalyqtary men sauda úıleríne baǵyttalsa, Bereke Fest aktsıyasy sauda jelílerín qamtıdy. Mūndaı tásíl merekelík nauqannyń auqymyn keńeıtíp, kásípkerlerdíń aktsıyalarǵa qatysuyna qosymsha múmkíndík beredí.
Aktsıyalarǵa qatysatyn sauda nysandarynyń tolyq tízímí men mekenjaılary óńír ákímdíkteríníń resmı ınternet-resurstarynda jarıyalanǵan.
Respublıkalyq aktsıyalar 2026 jylǵy 27 qazanǵa deıín jalǵasady.
Republic Day jáne Bereke Fest: jekelegen tauarlarǵa 50%-ǵa deıín jeńíldík
