Respublıka kúníne oraı ūıymdastyrylǵan «Saǵan kítap arnadym» respublıkalyq aktsıyasy kítap syılau mádenıetín dáríptep, qoǵamda oqu qūndylyǵyn ornyqtyruǵa baǵyttalǵan ıgí bastamaǵa aınaldy, – dep habarlaıdy aqshamnews.kz tílshísí.
Aktsıyanyń maqsaty – kítaptyń adam ómíríndegí ornyn aıshyqtap, oqyrmandyq mádenıettí damytu, ádebıetke degen súıíspenshílíktí arttyru jáne kítap arqyly zerdelí ūrpaq qalyptastyruǵa úles qosu.
Osy ıgí bastama ayasynda Almaty oblystyq ortalyq ámbebap kítaphanasynyń kítap qory 1000 danamen tolyqty. «Steppe & World», «Marfu» jáne ózge de baspalar kítaphanaǵa óz basylymdaryn syıǵa tartty. Būl – kítaphana qoryn baıytyp qana qoımaı, oqyrmandardyń jańa ádebıettermen tanysuyna, tanym kókjıegín keńeıtíp, ruhanı álemín baıytuyna múmkíndík beretín mańyzdy qadam.
Kítap – uaqytpen úndesetín, ūrpaqpen bírge jasaıtyn asyl mūra. Árbír basylymnyń betínde tarıhtyń ízí, qalamgerdíń oıy, ómírdíń taǵylymy men adamzattyń tanym tájírıbesí saqtalǵan. Bír kítap oqyrmanǵa ótkenníń ónegesín tanytsa, ekínshísí búgíngí kúnníń kúrdelí saualdaryna jauap ízdetedí. Endí bírí jas ūrpaqtyń qıyalyna qanat bítíríp, armanyn asqaqtatsa, endí bírí ómírge degen kózqarasyn qalyptastyryp, parasat bıígíne jeteleıdí. Sondyqtan kítaphana qoryna qosylǵan árbír jańa kítap – oqyrmanǵa ashylǵan jańa múmkíndík, bílím men ízdeníske bastaıtyn jańa jol.
Kítaphananyń basty baılyǵy – onyń qoryndaǵy kítaptardyń sanymen ǵana emes, sol qazynanyń qanshama oqyrmannyń ruhanı dúnıesíne jol tabuymen ólshenedí. Syıǵa tartylǵan kítaptar da talaı jannyń qolyna tıíp, sanasyna sáule túsíríp, bílímge degen qūshtarlyǵyn arttyrady degen sením mol. Būl – bír sáttík tartu emes, keleshekke baǵyttalǵan ruhanı ınvestıtsıya.
«Saǵan kítap arnadym» respublıkalyq aktsıyasy kítaphana men baspa arasyndaǵy yntymaqtastyqty nyǵaıtyp, qoǵamda kítap syılau dástúrín jandandyruǵa yqpal etedí. Mūndaı bastamalar ár azamattyń eldíń ruhanı damuyna óz úlesín qosa alatynyn kórsetedí. Óıtkení zerdelí ūlt qalyptastyru úlken maqsattardan ǵana emes, kítapty qadírleu, oquǵa uaqyt bólu, alǵan bílímdí ózgelermen bólísu sekíldí qarapaıym árí maǵynaly áreketterden bastalady.
Almaty oblystyq ortalyq ámbebap kítaphanasy kítap qoryn tolyqtyruǵa úles qosqan «Steppe & World», «Marfu» jáne ózge de baspalarǵa shynaıy alǵysyn bíldíredí. Ruhanıyatqa baǵyttalǵan būl qoldau óńírdegí kítap oqu mádenıetín damytuǵa, oqyrmandardyń sūranysyn qanaǵattandyruǵa jáne kítaptyń qoǵam ómíríndegí mańyzyn arttyruǵa qyzmet etedí.
ÁLIYa BORANBAI
Almaty oblystyq ortalyq ámbebap kítaphana qyzmetkerí