Memleket basshysy NVIDIA kompanıyasynyń negízín qalaushy jáne prezıdentí Djensen Huangty qabyldady, – dep habarlaıdy aqshamnews.kz tílshísí.
Aqordada ótken kezdesude Prezıdent Qasym-Jomart Toqaev NVIDIA basshysy saparynyń ekíjaqty yntymaqtastyqty nyǵaıtudaǵy mańyzyn atap ótíp, onyń otandyq jasandy ıntellekt ekojúıesín damytuǵa qosqan úlesíne rızashylyq bíldírdí.
– NVIDIA kompanıyasymen yqpaldastyqqa sony serpín beru tūrǵysynan saparyńyzdyń mání zor. Seríktestígímízdí nyǵaıtu jolyndaǵy jáne Qazaqstannyń ıgílígí úshín atqaryp jatqan eńbegíńízge alǵys aıtqym keledí, – dedí Memleket basshysy.
Qasym-Jomart Toqaev tsıfrlandyru men jasandy ıntellektíní damytudy ūlttyq basymdyq retínde atady, sondaı-aq bıyl elímízde Tsıfrlandyru jáne jasandy ıntellekt jyly jarıyalanǵanyn eske saldy.
Memleket basshysy NVIDIA men Higgsfield kompanıyalary arasyndaǵy áríptestíktí quattaıdy. Onyń aıtuynsha, halqymyz atalǵan kompanıyanyń otandyq tehnologıyalyq jobalarǵa atsalysqanyn qūp kóredí.