Májílís tóraǵasy Erlan Qoshanov jańa Konstıtutsıyaǵa baılanysty referendumda dauys berdí, – dep habarlaıdy aqshamnews.kz tílshísí.
Májílís spıkerí "Qazaqstan temír joly" ūlttyq kompanıyasynyń ǵımaratynda ornalasqan №128 uchaskede dauys berdí. Ol áıelímen bírge keldí.
"Kóńíl-kúıím jaqsy. Búgín barsha qazaqstandyqtar merekelík kóńíl-kúıde dep oılaımyn. Būl óte mańyzdy kún, qazaqstandyqtar jańa Konstıtutsıyaǵa qatysty tańdau jasauǵa tıís. 15 nauryz elímízdíń tarıhynda aıryqsha kún retínde qalatynyna senímdímín. Óz basym tańdau jasadym. Barsha qazaqstandyqtardy saılau uchaskeleríne baryp, ózderíníń azamattyq boryshyn oryndauǵa shaqyramyn", - dedí Májílís spıkerí.
Būǵan deıín Astanada premer-mınıstr Oljas Bektenov te dauys bergen bolatyn. Úkímet basshysy №66 Dínmūhamed Qonaev atyndaǵy mektep-lıtseıde óz tańdauyn jasady.
Ortalyq referendum komıssıyasynda dauys berudíń bastalǵany turaly málímdedí.
Dauys beru uchaskelerí saǵat 07:00-den 20:00-ge deıín jūmys ísteıdí. Olar jabylǵannan keıín byulletender sanalady. Keıbír uchaskeler (negízínen áskerı bólímderde) saǵat 06:00-de erterek ashyldy. Shetelde dauys beru Japonıya men Ońtústík Koreyada jergílíktí uaqyt boıynsha júrgízílíp jatyr.
Referendum byulletenínde "Síz 2026 jylǵy 12 aqpanda būqaralyq aqparat qūraldarynda jarıyalanǵan Qazaqstan Respublıkasynyń jańa Konstıtutsıyasyn qabyldaısyz ba?" degen bír ǵana sūraq bolady.
Qazaqstan azamattary "Iá, qabyldaımyn" nemese "Joq, qabyldamaımyn" dep dauys beredí.
Dauys beru qūqyǵyna 18 jasqa tolǵan jáne dauys berushíler tízímíne engízílgen Qazaqstan azamattary ıe.