Almaty irgesindegi Esik qalasynda ádettegi sporttyq áńgimeniń sheńberinen shyǵyp, aýqymdy máseleni qamtyǵan kezdesý ótti.
Jergilikti sport mektebinde jas sportshylar bul joly jattyǵý men jeńister týraly emes, baıqatpaı boılap enetin bir qaýip – dinı ekstremızm týraly oı bólisti, dep habarlaıdy aqshamnews.kz.
İs-sharany uıymdastyrǵan – Din salasyndaǵy máselelerdi zertteý ortalyǵy. Ortalyq ókilderiniń pikirinshe, qazirgi ýaqytta tek deneni shynyqtyryp qana qoımaı, sanany da manıpýlásıadan qorǵaý qajet. Ásirese jastar arasynda – maqsatshyl, belsendi, jáne eń bastysy – sengish jandar úshin bul óte ózekti.
Jas sportshylarmen ashyq suhbat júrgizgen – dintanýshy, aqparattyq-túsindirý tobynyń múshesi Ábdihamıtov Baqdáýlet Halıýllauly. Sarapshynyń aıtýynsha, dindi jamylǵan keıbir toptar shyn máninde jandy qutqarýdy emes, erik-jigerdi baǵyndyrýdy kózdeıdi. Búginde ınternet – olardyń basty quralyna aınalǵan: olar ózderin tálimger etip kórsetip, emosıa men bilimsizdikti paıdalanyp, adamdardy óz toryna túsiredi.
Kezdesý barysynda qatysýshylar radıkaldy toptarǵa tartýshylardy qalaı tanýǵa bolatynyn, kúdikti dinı forýmdarda jazylǵannyń bárine sene berýdiń qanshalyqty qaýipti ekenin jáne jeke erkindik úshin kúreste synı oılaýdyń mańyzyn bildi.
Jas sportshylar uıymdastyrýshylarǵa shynaıy ári paıdaly áńgime úshin alǵystaryn bildirdi. Sebebi qazirgi tańda radıkaldy ıdeologıalar kez kelgen vırýstan da tez taraıdy. Sondyqtan aqparattyq saýattylyq — sporttaǵy qorǵanys quralyndaı mańyzdy.