Reseı Federasıasynan Saryaǵash qalasyna bet alǵan ondaǵan jolaýshysy bar avtobýs Qyzylorda oblysynyń trassasynda isten shyǵyp, qalyp qoıdy, - dep habarlaıdy aqshamnews.kz tilshisi Tótenshe jaǵdaılar mınıstrliginiń baspasóz qyzmetine silteme jasap.
Oqıǵanyń mán-jaıy
Oqıǵa búgin boldy. Tańerteń "112" púltine Qyzylorda oblysynyń Aral aýdanyndaǵy trassada avtobýstyń buzylǵany týraly habarlama túsken. Avtobýs "Qarabutaq – Qyzylorda – Shymkent" avtojolynyń 73-shi shaqyrymynda qalǵan. Kólikte 34 adam bolǵan, olardyń barlyǵy – shetel azamattary.
Habarlama túsken boıda oqıǵa ornyna TJM qutqarýshylary jedel jiberildi.
Qutqarýshylar barlyq 34 adamdy jyly jerge kóshirip, evakýasıalaýdy qamtamasyz etti. Jolaýshylar Aral qalasyna jaqyn ornalasqan arnaıy jylytý pýnktine jetkizildi.
Vedomstvo málimetinshe, jolaýshylardyń ómirine qaýip tóngen joq, olar jyly jáne qaýipsiz jerde. Avtobýsty jóndeý nemese aýystyrý máselesi sheshilip jatyr.