Qonaev qalasynyń tūrǵyny Andreı Kozyatınskıı Qapshaǵaı su qoımasynda suǵa batyp bara jatqan adamdy qūtqarmaq bolyp, qaza tapty, – dep habarlaıdy aqshamnews.kz tílshísí.
Qaıǵyly jaǵdaı turaly qala ákímí Ashat Berdíhanov áleumettík jelídegí paraqshasynda habarlady.
Ákímníń aıtuynsha, Andreı Kozyatınskıı óz qauípsízdígín oılamaı, kómekke mūqtaj adamdy qūtqaruǵa ūmtylǵan.
«Andreı Fılıpovıch Kozyatınskııdíń Qapshaǵaı su qoımasynda basqa adamdy qūtqaruǵa áreket jasau kezínde qaıǵyly qazaǵa ūshyraǵany turaly habardy tereń kúızelíspen qabyldadym. Onyń būl áreketí erlík pen janqıyarlyqtyń, adamgershílíktíń aıqyn úlgísí boldy. Sheshushí sátte Andreı shette qalmaı, óz ómíríne qauíp tóníp tūrǵanyna qaramastan, kómekke ūmtyldy. Mūndaı qadamǵa júregí úlken, mínezí myqty adam ǵana bara alady», – dep jazdy ákím.
Ashat Berdíhanov qala tūrǵyndarynyń atynan marqūmnyń ákesíne, bauyryna, tuystary men jaqyndaryna kóńíl aıtty. Onyń erlígí Qonaev tūrǵyndarynyń jadynda máńgí saqtalatynyn atap óttí.
«Andreıdíń batyldyǵy men ózgeníń ómírín qūtqaru úshín ózín qūrban etuge daıyn boluy – shynaıy erlík pen adamgershílíktíń úlgísí», – dedí qala ákímí.
Tótenshe jaǵdaılar departamentíníń málímetínshe, oqıǵa 2026 jylǵy 22 shíldede demalys oryndarynyń bírínde bolǵan. Aldyn ala aqparat boıynsha, bír adam suǵa batyp ketken. Ony qūtqarmaq bolǵan demalys bazasynyń qyzmetkerí de qaza tapqan.