Almatyda qala ákímíníń bírínshí orynbasary Almashan Smatlaevtyń tóraǵalyǵymen kóppáterlí tūrǵyn úı qoryn basqaru jáne tūrǵyn úılerdí aldaǵy jylytu mausymyna daıyndau máselesíne arnalǵan keńeıtílgen jūmys keńesí óttí, – dep habarlaıdy aqshamnews.kz tílshísí.
Jıynǵa jauapty basqarmalar, audan ákímdíkterí, Tótenshe jaǵdaılar departamentí, PIK jáne MIB qauymdastyqtarynyń ókílderí, sondaı-aq kóppáterlí tūrǵyn úılerdí basqaru organdarynyń tóraǵalary qatysty.
Keńeste tūrǵyn úı qoryn qys mausymyna daıyndau, PIK pen MIB jūmysynyń tıímdílígín arttyru, órt qauípsízdígín qamtamasyz etu, ortaq múlíktí kútíp-ūstau jáne basqaru organdarynyń memlekettík organdarmen ózara ís-qımyly máselelerí qaraldy.
Keńestí ashqan Almashan Smatlaev kóppáterlí tūrǵyn úılerdí sapaly kútíp-ūstau qala qyzmetíníń basty míndetteríníń bírí bolyp qala beretínín aıtty.
«Kóppáterlí tūrǵyn úı qorynyń jaı-kúıí – bízdíń jūmysymyzdyń tıímdílígíníń kórsetkíshí. Negízgí míndetter – tūrǵyndardyń qauípsízdígín qamtamasyz etu, úılerdí tıístí deńgeıde kútíp-ūstau jáne zań būzushylyqtardyń aldyn alu», – dedí Almashan Smatlaev.
Almaty qalasynyń Kommunaldyq ınfraqūrylym jáne tūrǵyn úı ınspektsıyasy basqarmasynyń basshysy Sharhan Tūrsynbaev tūrǵyn úı qorynyń qazírgí jaǵdaıy turaly bayandama jasady.
«Tūrǵyndardyń kóppáterlí úılerdí basqaru men kútíp-ūstau sapasyna qoyatyn talaptary jyl saıyn artyp keledí. Sondyqtan basqaru organdary ashyq árí jarıya jūmys ísteuí, qajettí jóndeu jūmystaryn uaqytyly júrgízuí jáne tūrǵyn úı ıeleríne qarjynyń qalaı jūmsalǵany jónínde tūraqty túrde esep beríp otyruǵa tıís», – dedí Sharhan Tūrsynbaev.
Keńes qorytyndysy boıynsha Almashan Smatlaev kóppáterlí tūrǵyn úılerdí jylytu mausymyna sapaly daıyndaudy, ortaq múlíktí tekserudí jáne bírínshí kezekte atqarylatyn jóndeu jūmystaryn aıqyndaudy tapsyrdy. Sondaı-aq, tıístí basqarmalarǵa Tótenshe jaǵdaılar departamentímen bírlesíp órt qauípsízdígí talaptarynyń saqtaluyna baqylaudy kúsheıtu, tūrǵyn úılerdíń jertólelerínde ornalasqan kommertsıyalyq nysandardy tekseru jáne anyqtalǵan zań būzushylyqtardy joyu boıynsha sharalar qabyldau júkteldí. Būǵan qosa, Polıtsıya departamentímen bírlesíp kóppáterlí tūrǵyn úılerde zańnama talaptarynyń saqtaluyn qamtamasyz etuge baǵyttalǵan profılaktıkalyq jūmystar kúsheıtíledí.