Astanada «Taza Qazaqstan» respublıkalyq ekologıyalyq bastamasy men «Zań men tártíp» qaǵıdatyn júzege asyru ayasynda qoǵamdyq oryndardaǵy tazalyqty saqtau boıynsha reıdter tūraqty túrde júríp jatyr, – dep habarlaıdy aqshamnews.kz tílshísí elorda ákímdígíníń resmı saıtyna sílteme jasap.
Elordadaǵy barlyq audannyń sayabaǵy men demalys ornynda tūrǵyndarǵa qorshaǵan ortany taza ūstaudyń mańyzy túsíndírílíp jatyr. Kezektí reıd Baıqońyr audanyndaǵy Atatúrík sayabaǵynda óttí.
Ís-shara barysynda polıtsıya qyzmetkerlerí qoǵam tártíbín baqylap, demalushylarǵa túsíndíru júrgízdí. Tūrǵyndarǵa sayabaq aumaǵyn lastamau, qoqysty arnaıy jáshíkterge tastau, gúlzarlar men jasyl jelekke ūqypty qarau kerek ekení aıtyldy. Sonymen qatar ekologıya mádenıetín qalyptastyruǵa baǵyttalǵan aqparat jadynamalary taratyldy.
Astana qalasy Baıqońyr audany polıtsıya basqarmasy Qoǵamdyq qauípsízdík bólímíníń basshy orynbasary, polıtsıya maıory Abzal Ábíldaevtyń aıtuynsha, tazalyqty saqtau – ár azamattyń jeke jauapkershílígí.
«Taza Qazaqstan» ekologıyalyq aktsıyasy ayasynda reıdterdí tūraqty túrde ūıymdastyryp kelemíz. Negízgí maqsatymyz – tūrǵyndar men qala qonaqtarynyń tabıǵatqa jáne qoǵamdyq oryndarǵa ūqypty qarauyna yqpal etu. Sayabaqtar men demalys oryndarynyń tazalyǵy – qalanyń kórkí. Sondyqtan tazalyqty saqtau ár azamattyń jauapkershílígí ekenín túsínuímíz qajet», – deıdí polıtsıya maıory.
Onyń aıtuynsha, túsíndíru jūmysyna qaramastan, keıbír azamattar eskertulerge beıjaı qarap, qoqysty arnaıy jáshíkterge tastamaıdy. Sonymen bírge sayabaqtarda pıknık ūıymdastyrǵannan keıín qoqystaryn jınamaı ketetín jaǵdaılar da kezdesedí.
Tazalyq mádenıetín qalyptastyruda tūrǵyndardyń óz jauapkershílígí de mańyzdy. Almatydan elordaǵa qonaqqa kelgen Aıman esímdí tūrǵyn Atatúrík sayabaǵynda nemerelerímen kún saıyn seruendeıtínín aıtty.
«Balalarǵa kíshkentaıynan tazalyqty úıretu kerek. Nemereleríme jegen balmūzdaq pen táttíníń qaǵazyn qoqys jáshígíne tastau, gúlderdí jūlmau jáne aınalany lastamau keregín únemí aıtyp otyramyn. Tazalyq árkímníń ózínen bastalady. Osyndaı mádenıet qalyptastyrsaq, qalamyz da árdaıym kóríktí árí taza bolady», – deıdí ol.
Ūıymdastyrushylardyń aıtuynsha, reıdterdíń negízgí maqsaty – azamattardy jazalau emes, qoǵamdyq jauapkershílíktí arttyru. Qoǵamdyq oryndardy taza ūstau, tabıǵatqa ūqypty qarau jáne ortaq keńístíktí kútíp ūstau – barsha tūrǵynnyń míndetí.
«Taza Qazaqstan» aktsıyasy ayasyndaǵy túsíndíru jáne profılaktıkalyq ís-sharalar aldaǵy uaqytta da elordanyń barlyq sayabaǵy men demalys oryndarynda jalǵasady.