Qytaı bılígí zıyandy qaldyqtarǵa kvota satu júıesí íske qosylǵanyn habarlady.
Sarapshylar qorshaǵan ortanyń lastanuyna arnalǵan rūqsattyń kóbeyuí ǵalamdyq jylynumen baılanysty problemany kúsheıtedí dep qorqyp otyr, dep habarlaıdy Almaty-akshamy.kz Lenta.ru saıtyna sílteme jasap.
Qaldyqtardy esepke aludyń jalpyūlttyq júıesí (ETS) shílde aıynda Shanhaı qorshaǵan orta jáne energetıkalyq bırjasynda (SEEE) jūmys ísteı bastaıdy. Bastapqyda būl bastama respublıkada óndíríletín parnıktík gazdyń jartysyna juyǵyn qūraıtyn energetıka salasyndaǵy ekí myńnan astam ūıymdy qamtıdy.
Úkímet árbír elektr stantsıyasyna jylyna belgílí mólsherde kómírqyshqyl gazynyń qaldyǵyn shyǵaruǵa qūqyq beredí. Eger kompanıya «taza» jūmys ístese, onyń paıdalanylmaǵan lastau qūqyǵy (nemese kvota) satyluy múmkín. Aınalaǵa keltíretín ekologıyalyq zıyandy azaıta almaıtyn kásíporyndardyń qosymsha kvota satyp aluyna tura keledí. Ekologıya jáne qorshaǵan orta mınıstríníń orynbasary Chjao Inmınníń aıtuynsha, júıeníń pılottyq nūsqalary Qytaıdyń bírqatar provıntsıyalarynda synaqtan ótíp úlgergen.
«SO2 qaldyqtarynyń tonnasy ázírshe shamamen 6,18 dollarǵa baǵalanyp otyr. Bízge Qytaıdyń kómírtegí beıtaraptylyǵyna qol jetkízuge degen tabandylyǵyn kórsetu úshín, qaldyqtardy azaıtuǵa míndettelgen kásíporyndarǵa oń belgí beru úshín aqylǵa qonymdy baǵa qajet», - dedí resmı ókíl.
Sarapshylardyń baǵalauy boıynsha, qaldyqtardy satu kvotasy kerí áser etuí múmkín. Qazírdíń ózínde onsyz da kómírtektí kóp qajet etetín kásíporyndar qorshaǵan orta úshín būrynǵydan da qauíptírek. SEEE boljamyna sáıkes, lastanudy baqylaudyń jańa naryǵy álemdegí eń írí naryqqa aınalady jáne nátıjesínde QHR-da shamamen on myńǵa juyq kásípornyndy qamtıdy, olardyń kómírqyshqyl gazy bes mıllıard tonnaǵa jetedí.
Shíldeníń basynda «Frontiers» ǵylymı portalynda jarıyalanǵan jahandyq jylynudan adamzatqa tónetín qauípter turaly jańa zertteude ǵalymdar Qytaıdyń Pekın, Shanhaı jáne Handan qalalary lastanu tūrǵysynan ómírge eń qauíptí ekenín anyqtady. Būl qalalar bír adamǵa shaqqandaǵy SO2 kontsentratsıyasy eń joǵary eldí mekender reıtıngíníń alǵashqy 25-íne kíredí.