Būl turaly kompanıya tóraǵasy Nan I «Almaty – Shanhaı» bıznes forumynda málímdedí, – dep habarlaıdy aqshamnews.kz tílshísí.
Qytaılyq Wontai Group kompanıyasy Qazaqstanda jańartylatyn energıya kózderí boıynsha 15 jobany júzege asyrdy.
Onyń aıtuynsha, kompanıya Ortalyq Azıya naryǵyna 2018 jyly kírgen. Sodan berí qazaqstandyq seríktestermen bírge kún energetıkasy men energıya saqtau júıelerí baǵytynda bírneshe jobany júzege asyryp, paıdalanuǵa bergen.
«Qazír íske qosylǵan 15 joba «jasyl» elektr quatyn óndíruge múmkíndík beríp otyr. Būl óńírdegí ornyqty energetıkany damytuǵa qosylǵan eleuí úles», – dedí Nan I.
Ol Qazaqstannyń kompanıya úshín negízgí sheteldík naryqtardyń bíríne aınalǵanyna toqtaldy. Būǵan qolaıly ınvestıtsıyalyq ahual, tūraqty memlekettík sayasat jáne energetıka salasynyń joǵary damu áleuetí áser etken.
Sońǵy jyldary elde ınvestorlar úshín jaǵdaı aıtarlyqtaı jaqsaryp, ásírese energetıka sektorynda naryqtyq mehanızmder damyp, retteu ashyq bola túsken.
Sonymen qatar Nan I Almaty men Shanhaı arasyndaǵy ískerlík jáne kólík baılanystarynyń nyǵaıyp kele jatqanyn aıtty. Áue qatynasy keńeıíp, bıznes qauymdastyqtar arasyndaǵy ózara áreket kúsheıgen. Qazaqstan joldarynda qytaılyq elektr kólíkterí kóbeıíp keledí.
«Almaty men Shanhaı – óz elderíníń írí ekonomıkalyq ortalyqtary. Olar ózara tıímdí yntymaqtastyqty damytu úshín úlken áleuetke ıe», – dedí ol.
Wontai Group basshysy ekí taraptyń artyqshylyqtaryna da toqtaldy: Shanhaı qarjy, logıstıka jáne joǵary tehnologıya salasynda alda bolsa, Qazaqstan energetıka men tabıǵı resurstar boıynsha myqty.
«Bíz bírlesken jobalardy keńeıtuge úlken múmkíndík kóríp otyrmyz jáne qazaqstandyq seríktestermen yntymaqtastyqty jalǵastyruǵa daıynbyz», – dep sózín qorytyndylady Nan I.