Aǵymdaǵy jyldyń 4 jeltoqsan kúní saǵat 14.00-de Memlekettík quyrshaq teatry eresekterge arnalǵan fılosofıyalyq astary tereń, adam janynyń qūpıya álemín beıneleıtín «Men kímmín?» spektaklíníń premerasyn kórermen nazaryna ūsynbaq. Qoǵamdaǵy ruhanı jalǵyzdyq, adamdyq kelbettí joǵaltu, óz-ózímen arpalysu sekíldí mańyzdy taqyryptardy qozǵaıtyn spektakl quyrshaq óneríníń múmkíndíkterí arqyly jańa qyrynan ashylady.
Kórkemdík sheshímí men ıdeyalyq mazmūny tereń būl tuyndy adamnyń jan dúnıecíndegí qarama-qaıshylyqtardy, sením men kúdík arasyndaǵy kúrestí, adam tabıǵatynyń álsízdígí men quatyn sımvoldyq beıneler arqyly jetkízedí. Basty keıípkerdíń íshkí jan aıqaıy, qoǵammen úılese almauy jáne ózín-ózí tanuǵa ūmtylysy kórermendí tereń oıǵa jeteleıdí.
Spektakldíń rejısserí – álemdík quyrshaq teatry ónerínde ózíndík qoltańbasy qalyptasqan, Gúrjístan elínen arnaıy shaqyrtylǵan suretker Nıkoloz Sabashvılı.
Teatr dırektory Almat Amangeldí:
«Men kímmín?» – qazírgí qoǵamdaǵy ózektí taqyryptardy kóteretín kórermen sūranysyna saı spektakl dep oılaımyn. Bíz būl tuyndy arqyly kórermenderge adamdyq bolmystyń máníne qaıta qarauǵa úndeımíz. Quyrshaq teatry – tek balalarǵa arnalǵan óner emes, ol kez kelgen kúrdelí ıdeyany názík árí tereń jetkíze alatyn sahnalyq tíl. Premera kórermenge erekshe áser, tereń oı jáne ruhanı tolǵanys syılaıdy dep senemíz», – dep atap óttí.
«Men kímmín?» – qoǵamdaǵy ruhanı daǵdarys pen adamdyq bet-beıneníń joǵaluyn kórkem túrde jetkízetín erekshe spektakl.
Ótetín orny: Memlekettík quyrshaq teatry, Pushkın k-sí 63