95 akademıyalyq saǵatqa eseptelgen baǵdarlama 14 pándí qamtıdy, dep habarlaıdy aqshamnews.kz tílshísí.
Almatyda jas zertteushílerge, taldaushylarǵa, jurnalısterge, medıa mamanyna, qoǵam men qala ómíríne arlasqysy keletínderdíń báríne arnalǵan Oi-Lab saraptamalyq mektebí jūmys ísteı bastady. Jobany «Aqparattyq-resurstyq ortalyq» qoǵamdyq qory shkí sayasat basqarmasynyń qoldauymen memlekettík áleumettík tapsyrys ayasynda júzege asyryp jatyr.
Óńírlík kommunıkatsıyalar qyzmetíníń alańynda Oi-Lab jobasynyń kuratory, qoǵam jáne sayasat qaıratkerí, qoǵamdyq keńestíń múshesí Qaıryev Rustam Abdusalamūly osy jobanyń íske qosylǵanyn habarlap aıtty.
Oi-Lab jaı ǵana bílím beretín kurs emes, oǵan qatysqandar ózín qyzyqtyrǵan sūraqtan bastap, daıyn saraptamalyq zertteuge deıíngí joldy meńgeredí.
«Bíz jas mamanǵa saraptama, zertteu jasap, qoǵamdyq píkírmen jūmys ístep, ózín synap kóruge múmkíndík bergímíz keledí. Būl úshín úlken kásíbı tájírıbeníń boluy shart emes. Eń bastysy – taqyrypqa qyzyǵyp, bílím aluǵa ūmtylyp, óz jobasymen jūmys ístegísí kelse bolǵany», – dedí spıker.
Oqudan jeke zertteuge deıín
95 akademıyalyq saǵatqa eseptelgen baǵdarlama 14 pándí qamtıdy. Olardyń qatarynda memlekettík sayasat pen memlekettík basqaru negízderí, qoǵamdyq-sayası analıtıka, áleumettanu, strategıyalyq kommunıkatsıyalar, daǵdarystyq PR, qoǵamdyq píkírmen jūmys, urbanıstıka men qalalyq sayasat ta bar.
Jekelegen modulder ıdeologıya, qūndylyqtar men bíregeılík, qūqyqtyq mádenıet pen sarapshy etıkasyna arnalady. Sondaı-aq qatysushylar analıtıka qūraly men zertteu jūmysynda jasandy ıntellekttíń múmkíndígín paıdalanudy meńgeríp, soǵan mashyqtanyp shyǵady.
Baǵdarlamanyń edáuír bólígí praktıkalyq baǵytta ótedí. Qatysushylar naqty qalalyq keıspen jūmys ístep, zertteu júrgízedí, derekterdí taldaıdy, saualnama men sūqbat júrgízuge daǵdylanady, qoǵamdyq píkírdí zerttep, qalalyq baǵdarlamalardyń tıímdílígín baǵalaıdy.
Ūıymdastyrushylar qalalyq qyzmettíń sapasyn, qalalyq baǵdarlamanyń tıímdílígín, kólík baılanystylyǵyn, qoǵamdyq keńístíktí damytudy, qalalyq bíregeılíktí, partısıpatorlyq byudjet tájírıbesí men qala úshín ózektí basqa da máselelerdí zertteudí yqtımal taqyryp retínde atap otyr.
Mektep ayasynda kemínde 20 analıtıkalyq jáne saraptamalyq materıal ázírleu josparlanǵan.
Kímder qatysa alady?
Baǵdarlamaǵa Almatydaǵy joǵary oqu ornynyń magıstranttary men doktoranttary, jas taldaushylar men zertteushíler, jurnalıster, medıa mamandary, podkasterler, kommunıkatsıya men PR mamandary qatysady.
Sonymen qatar mektep osy saladaǵy kásíbı jolyn endí bastap kele jatqan azamattar úshín de ashyq.
Oqu nátıjesíníń negízgí erekshelígíníń bírí – qatysushynyń jeke analıtıkalyq nemese saraptama jobasyn ázírleuí. Joba oqytushy men tálímgerdíń qoldauymen daıyndalyp, baǵdarlamanyń sońynda qorǵalady.
Būdan bólek, túlekterge oqu ayaqtalǵany turaly qūjat tabys etíp, mekteptí támamdaǵannan keıín de kásíbı damuyn jalǵastyruǵa múmkíndík beríledí.
Praktık mamandar men kásíbı orta
Ūıymdastyrushylardyń aıtuynsha, Oi-Lab oqytushylar qūramyna túrlí kásíbı tájírıbesí bar mamandardy – ǵylymı qyzmetkerler men zertteushílerdí, praktık-sarapshylardy, memlekettík sektor ókílderín, deputattar men qoǵam qaıratkerlerín tartyp otyr eken.
Mūndaı format qatysushylarǵa analıtıkalyq qūraldardyń memlekettík sayasatta, qalanyń kún tártíbínde, qoǵamdyq úderís pen kommunıkatsıya salasynda qalaı qoldanylatynyn tájírıbe arqyly kóruge múmkíndík beredí.
Joba ayasynda TEDx formatyndaǵy Oi-Lab Talks ís-sharalary, mektep podkast, ashyq dárís, píkírtalas pen joǵary oqu ornynda debat ótkízu josparlanǵan. Túlekter óz zertteuín kópshílíkke ūsynyp, kásíbı baılanys qalyptastyra alady.
Aldaǵy uaqytta ūıymdastyrushylar Oi-Lab túlekterínen qalalyq sarapshylar pulyn qūrudy josparlap otyr. Būl qatysushylarǵa baǵdarlama ayaqtalǵannan keıín de ózara baılanys ornatyp, bírlesken jūmys júrgízuge múmkíndík beredí.
Úzdík jobaǵa qoldau kórsetíledí
Jobanyń jeke baǵyty – eń bolashaǵy bar studenttík zertteudí árí qaraı íske asyru.
Úzdík jobalarǵa granttyq qoldau kórsetu josparlanyp otyr. Osylaısha qatysushylar tek analıtıkalyq materıal ázírlep qana qoımaı, bolashaǵy bar ıdeyasyn ís júzínde júzege asyryp kóruge múmkíndík alady.
«Oi-Lab-tyń basty erekshelíkteríníń bírí – qatysushynyń jūmysyn daıyn joba deńgeıínde ǵana qaldyrmaı, ony árí qaraı damytuǵa jaǵdaı jasaǵymyz keledí. Úzdík jūmystar úshín resurs alyp, ıdeyany ís júzínde júzege asyryp kóruge múmkíndík jasaudy kózdep otyrmyz», – deıdí joba jetekshísí.
Jobany qorǵau men baǵdarlamany ayaqtaǵany turaly qūjatty qyrkúıek aıynyń sońyna taman tabystamaqshy.
Ūıymdastyrushylar Almatynyń ózektí máselesín tereńírek zerttep, qoǵamdyq úderístí taldaudy úırengísí keletín, ıdeyasyn analıtıkalyq jobaǵa aınaldyrǵysy keletínderdíń barlyǵyn osyǵan qatysuǵa shaqyrady.
Oi-Lab – bír bílím beru baǵdarlamasy ayasynda júıelí bílím, praktıkalyq daǵdylar, zertteu tájírıbesí, tálímgerlík pen daıyn jeke joba aluǵa, sondaı-aq qalanyń qalyptasyp kele jatqan saraptamalyq qauymdastyǵynyń bír bólígí boluǵa múmkíndík beretín alań.