Petropavl polıtseılerí alayaqtyq jasady degen kúdíkpen «Qūlager» hokkeı klubynyń būrynǵy komanda jetekshísí Sergeı Fıldí ūstady.
Soltústík Qazaqstan oblysy Polıtsıya departamentíníń málímetínshe, 45 jastaǵy Astana tūrǵyny Qaraǵandy qalasynda qolǵa túsken, - dep habarlaıdy Aqshamnews.kz.
"Ol ekí nemese odan da kóp adamǵa qatysty alayaqtyq jasady degen kúdíkke ílíndí. Kúdíktí uaqytsha ūstau ızolyatoryna qamaldy. Qazírgí uaqytta qylmystyq ís boıynsha sotqa deıíngí tergeu amaldary júrgízílíp jatyr", – dep málímdedí SQO PD baspasóz qyzmetí.
Eske salaıyq, būǵan deıín Sergeı Fıl reseılík legıonerlerden aqsha alyp, Qazaqstan azamattyǵyn tez rásímdep beremín dep uáde bergení úshín ízdeuge jarıyalanǵan edí. Onyń ís-áreketínen bírneshe sportshy zardap shekken.