«Bavarıya» kluby men Anglıya qūramasynyń shabuylshysy Harrı Keın 2025/2026 jylǵy mausym qorytyndysy boıynsha álemníń úzdík futbolshysy atanyp, «Altyn dopty» jeńuí múmkín, – dep habarlaıdy aqshamnews.kz tílshísí.
Squawka platformasy álem chempıonaty ayaqtalǵannan keıín bukmekerlík keńselerdíń koeffıtsıentterí negízínde júldege úmítkerler reıtıngín jarıyalady. Reıtıngke sáıkes, Harrı Keınníń jeńíske jetu yqtımaldyǵy 40 paıyzǵa baǵalanǵan.
Ispanıya qūramasynyń álem chempıonatyndaǵy jeńísínen keıín «Barselona» oıynshysy Lamın Yamaldyń múmkíndígí 33 paıyzǵa deıín óstí. Al Ispanıya qūramasy men «Manchester Sıtı» klubynyń jartylaı qorǵaushysy Rodrı 22 paıyzdyq kórsetkíshpen úshínshí orynǵa kóteríldí.
«Altyn dopqa» úmítker bes futbolshy:
Harrı Keın — «Bavarıya», Anglıya qūramasy — 40 paıyz;
Lamın Yamal — «Barselona», Ispanıya qūramasy — 33 paıyz;
Rodrı — «Manchester Sıtı», Ispanıya qūramasy — 22 paıyz;
Kılıan Mbappe — «Real Madrıd», Frantsıya qūramasy — 17 paıyz;
Lıonel Messı — «Inter Maıamı», Argentına qūramasy — 9 paıyz.
«Altyn dop» júldesí 1956 jyldan berí tabystalyp keledí. Alǵashynda France Football jurnaly būl marapatty tek Europanyń úzdík futbolshysyna bergen. 1995 jyldan bastap úmítkerler qataryna álemníń barlyq elínen oıynshylar engízíle bastady.
2022 jyldan berí dauys beruge FIFA reıtıngíndegí úzdík 100 eldíń ókílderí ǵana qatysady. Qazaqstan qūramasy reıtıngte 111-orynda tūrǵandyqtan, elímízdíń ókílderí jeńímpazdy anyqtau rásímíne qatyspaıdy.
Bıyl «Altyn doptyń» 70 jyldyǵyna arnalǵan marapattau rásímí 26 qazanda Londonda ótedí.