QR gaz jelisi bir jylda 4 myń shaqyrymnan asty, apattar sany 9-dan 19-ǵa deıin ósti
124 shaqyrymnan astam kóshe gaz jelisin jóndeý qajet.
2020 jyly Qazaqstan Respýblıkasynda 1074 eldi meken gazdandyryldy, bul 2019 jylmen salystyrǵanda 6%-ǵa artyq, dep habarlady Almaty-akshamy.kz energyprom.kz saıtyna siltemelep.
Gazdandyrylǵan eldi mekenderdiń jartysynan astamy úsh óńirde ornalasqan: Batys Qazaqstan (230), Jambyl (214) jáne Túrkistan (148) oblystarynda. Tabıǵı gaz ótkizilgen eldi mekender respýblıkanyń 17 óńiriniń 14-inde boldy.
2020 jyly QR-da 4,2 myń km gaz jelisi júrgizildi, bul 2019 jylmen salystyrǵanda 6,3 ese kóp; 2020 jyly 228,9 km jeli isten shyqty.
Jalpy alǵanda, kóshedegi gaz jelisiniń uzyndyǵy 2020 jyldyń sońynda 32,7 myń km qurady, bul ótken jylmen salystyrǵanda 14,4%-ǵa artyq.
Jóndeýdi qajet etetin kóshedegi gaz jelisiniń uzyndyǵy bir jyl ishinde 14,1%-ǵa, 2020 jyly 124,1 km-ge deıin qysqardy. 2020 jyly 130,4 km gaz jelisi jóndeldi.
Sonymen qatar, 2020 jyly 19 apat tirkeldi. Salystyrmaly túrde aıtar bolsaq, 2019 jyly 9 apat tirkelse, 2018 jyly 51 apat oryn alǵan.
Tabıǵı gazdyń gaz retteý pýnktteriniń sany bir jylda 11,9%-ǵa ósip, 1,5 myńdy qurady.
Ornatylǵan esepteý quraldarynyń sany 2020 jyly 28 myńǵa jetti, bul 2019 jylmen salystyrǵanda 8%-ǵa kóp.
Eń tómengi tarıfter Atyraýda (1 tekshe metr úshin 8,1 tg), sondaı-aq Aqtaý men Aqtóbede (1 tekshe metr gaz úshin 10 tg) belgilendi. Tabıǵı gaz úshin eń joǵary tarıf Túrkistan men Shymkentte baıqaldy: 1 tekshe metr úshin 31,6 tg.
