Qoldaýlar jetkilikti, múmkindikter kóp
Almaty qalasynyń ákimi Baqytjan Saǵyntaevtyń 25 maýsymdaǵy tikeleı efırde ótken brıfıńine qala turǵyndary pikir bildirip jatyr. Solardyń biri - Almaty qalasy Qoǵamdyq keńesiniń múshesi Qazbek Shaıh, dep habarlady Almaty-akshamy.kz.
«Qala turǵyndarynyń ál-aýqaty, áleýmettik jaǵdaıy kún sanap jaqsaryp keledi. Osy oraıda kórsetilip jatqan áleýmettik kómekterdiń mańyzy óte zor. Shahar basshysy bizdiń de, turǵyndardyń da pikirimen sanasyp otyr. Jalpy turǵyndardyń jaǵdaıyn turaqty etý úshin ekonomıkalyq qaýymdastyqtardy damytýymyz kerek. Tek qala bıligi emes, turǵyndardyń tarapynan da talpynystar bolsa, bizdiń alar asýymyz kóp. 2 mln halqy bar megapolısti basqarý ońaı emes. Eger turǵyndardyń bastamasyna sáıkes, ekonomıkalyq qoldaý kórsetiletin bolsa, kóptegen áleýmettik máseleler ońaı sheshiledi. Óıtkeni, bir adamnyń máselesi sheshilse, bir otbasynyń jaǵdaıy táýir degen sóz. Al bir otbasy baqytty bolsa, eshteńeden taryqpaı, materıaldyq jaǵdaıy jaqsy bolsa, elimizdiń ekonomıkasynyń da oń kórsetkishi bolyp tabylady. Turǵyndar múmkindikti paıdalana bilse, jaıly ómir súrý úshin qoldaý da, kómek te jetkilikti. Qala basshylyǵy da osy eki taraptyń talap-tilegin eskere otyryp áreket etip jatqany málim», - dedi Almaty qalasy Qoǵamdyq keńesiniń múshesi Qazbek Shaıh.