Japonıyanyń Nagoya qalasynda mánerlep syrǵanaudan jyldyń basty jarystarynyń bírí – Gran-prı fınaly ótíp jatyr. Būl dodada mausymnyń eń úzdík alty sportshysy jınalyp, jyldyń chempıonyn anyqtaıdy, dep habarlaıdy Aqshamnews.kz tílshísí.
Fınalǵa Qazaqstan atynan eldíń úzdík mánerlep syrǵanaushysy Mıhaıl Shaıdorov qatysyp jatyr. Ol ózíníń sporttyq mansabynda ekínshí ret Gran-prı fınalyna joldama alǵan.
Otandasymyz mūzǵa Italıya sportshysy Danıel Grasslden keıín shyqqan. Alaıda qysqa baǵdarlamany oryndau kezínde Shaıdorov sátsízdíkke ūshyrap, bír ret qūlap tústí. Būdan bólek taǵy bír kúrdelí element barysynda óreskel qatelík jíbergen. Osy olqylyqtar onyń júldege talasu múmkíndígín tómendettí.
Qysqa baǵdarlamanyń nátıjelerí (erler):
-
Yuma Kagıyama (Japonıya) – 108,77
-
Shun Sato (Japonıya) – 98,06
-
Ilya Malının (AQSh) – 94,05
-
Danıel Grassl (Italıya) – 94,00
-
Adam Syao Hım Fa (Frantsıya) – 78,49
-
Mıhaıl Shaıdorov (Qazaqstan) – 71,30
Aıta keteıík, Mıhaıl Shaıdorov – álem chempıonatynyń kúmís júldegerí. 2025 jylǵy Azıya oıyndarynda qola medal jeńíp alǵan, sondaı-aq Tórt qūrlyq chempıonatynda altyn medal ıeleníp, araǵa 10 jyl salyp Denıs Tenníń tarıhı jetístígín qaıtalaǵan edí.
Sportshylardyń erkín baǵdarlamasy 6 jeltoqsanda ótedí.
